ODI રેન્કીંગમાં ભારતીય ખેલાડીનો દબદબો
દુબઈઃ ભારતીય કેપ્ટન વિરાટ કોહલી અને ઝડપી બોલર જસપ્રીત બુમરાહે મંગળવારે અહીં જારી કરાયેલી આઈસીસીની વન-ડે રેંકિંગમાં ક્રમશઃ બેટ્સમેન અને બોલરની યાદીમાં ટોચનું સ્થાન જાળવી રાખ્યું છે. કોહલી 899 પોઈન્ટ સાથે ટોચના સ્થાને છે, જ્યારે લીમિટેડ ઓવર્સની મેચના ભારતીય વાઈસ કેપ્ટન રોહિત શર્મા બીજા સ્થાને છે.
ટોપ 10માં ત્રણ ખેલાડીઓને સ્થાન
રોહિતના સાથી ઓપનર ખેલાડી શિખર ધવન પણ બેટ્સમેનોની યાદીમાં ટોપ 10માં શામેલ અન્ય એક ભારતીય છે. તે 8માં ક્રમે છે. તેને એક ક્રમનો ફાયદો થયો છે. જ્યારે પૂર્વ ભારતીય કેપ્ટન મહેન્દ્ર સિંહ ધોની 20માં ક્રમ પર છે.
બોલર્સની યાદીમાં પણ 3 બોલર્સ
બોલર્સની યાદીમાં જસપ્રીત બુમરાહ 841 પોઈન્ટ સાથે પહેલા સ્થાન પર છે. કુલદીપ યાદવ અને યજુર્વેન્દ્ર ચહલને પણ ટોપ 10માં સ્થાન મળ્યું છે. કુલદીપ જ્યાં ત્રીજા સ્થાન પર કાયમ છે તો ચહલને પણ ત્રણ સ્થાનનો ફાયદા સાથે પાંચમા ક્રમે પહોંચી ગયો છે.
ODIમાં ભારતીય ટીમ બીજા સ્થાને
અફઘાનિસ્તાના રાશિદ ખાન 353 પોઈન્ટ સાથે હાલમાં દુનિયાનો ટોચનો ઓલરાઉન્ડર છે. ટીમ રેંકિંગમાં ભારત 121 પોઈન્ટ સાથે ઈંગ્લેન્ડ (126 પોઈન્ટ) બાદ બીજા સ્થાન પર કાયમ છે.
No comments:
Post a Comment