Marutiની આ કારમાં સામે આવી ખામી, શરૂ થયું સર્વિસ કેમ્પેઈન

કંપનીની પોપ્યુલર સિડાન કારમાં ખામી

નવી દિલ્હીઃ Maruti Suzukiએ પોતાની પોપ્યુલર સિડાન Ciazના ડીઝલ મોડલમાં સ્પીડોમીટર અસેમ્બલમાં ખામી હોવાથી તેને બદલવા માટે સર્વિસ કેમ્પેઈન શરૂ કર્યું છે. જેમાં બે વેરિયન્ટ Maruti Ciaz Zeta અને Maruti Ciaz Alphaનો સમાવેશ થાય છે. ખામીયુક્ત કારમાં સ્પીડોમીટરમાં એબીએસ અને સીટબેલ્ટ સહિત કેટલાક અલર્ટ યોગ્ય રીતે વર્ક કરતા નથી. કંપનીએ કહ્યું કે 1 ઓગસ્ટ 2018થી 21 સપ્ટેમ્બર 2018 વચ્ચે બનેલી 880 સિયાઝ કારોમાં આવા સ્પીડોમીટર લાગેલા છે.
અમારા ન્યૂઝ Whatsapp પર મેળવવા અહીં ક્લિક કરો

ફ્રીમાં ચેન્જ કરી આપશે કંપની

મારુતિ સુઝુકીના જણાવ્યા મુજબ, કંપનીના ડીલર્સે આ કાર માલિકોનો સંપર્ક કરવાની શરૂઆત કરી દીધી છે. તેમની કારમાં સ્પીડોમીટરની તપાસ અને તેને રિપ્લેસ કરવામાં આવશે. જેનો કોઈ ચાર્જ લેવામાં આવશે નહીં. આ ઉપરાંત કંપની ગ્રાહક કંપનીની વેબસાઈટ પર જઈને ચેક કરી શકે છે કે તેમની સિયાઝમાં આ ખામી છે કે નહીં.

આવી રીતે કરો ચેક

મારુતિ સુઝુકીની ઓફિશયલ વેબસાઈટ https://ift.tt/2vl5WIv પર જાવ. ત્યાર બાદ ઉપરની બાજુ તમને IMP. CUSTOMER INFO ઓપ્શન પર ક્લિક કરો. હવે એક નવું પેજ ખુલશે, જેમાં સૌથી ઉપર સિયાઝ સર્વિસ કેમ્પેઈની લિંક આપવામાં આવી છે. જેમાં તમારે MA3 બાદ પોતાની કારનો ચેસિસ નંબર એન્ટર કરવાનો રહેશે. જેના આધારે તમે જાણી શકશો કે તમારી કાર તે 880 કારમાં છે કે નહીં.


from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat https://ift.tt/2QzqffD