પવન બુરુગુલ્લા
મુંબઈ:વ્યાપક બજારમાં હાલમાં અસ્થિરતા હોવાના કારણે વધારે ઊંચી ડિવિડન્ડ યીલ્ડ રોકાણકારોને જાહેર ક્ષેત્રની કંપનીઓના શેર્સ તરફ ધકેલી રહી છે. બીએસઇ પીએસયુ ઇન્ડેક્સ સરકારની માલિકીની કંપનીઓના દેખાવને માપે છે. તે બજારમાં કરેક્શનની શરૂઆત થઈ તે સપ્ટેમ્બરની 21 તારીખથી અત્યાર સુધીમાં ફક્ત બે ટકા ઘટ્યો છે. તેનાથી વિપરીત સમાન ગાળા દરમિયાન બેન્ચમાર્ક સેન્સેક્સ સાત ટકાથી વધારે ઘટ્યો છે.
આ સમયગાળા દરમિયાન પાવર ફાઇનાન્સ કોર્પોરેશન (પીએફસી) અને ભારત ઇલેક્ટ્રોનિક્સ ટોચનો દેખાવ કરનારા પીએસયુ સ્ટોક્સમાં સ્થાન ધરાવે છે કેમ કે આ બન્ને શેરોમાં 20 ટકાથી વધારે ઉછાળો નોંધાયો હતો. રોકાણકારો નાની પીએસયુ બેન્કોના શેર્સ પણ ખરીદી રહ્યા છે જેમાં ઓરિએન્ટલ બેન્ક ઓફ કોમર્સ, યુકો બેન્ક તથા અલ્હાબાદ બેન્કના શેર દરેક 15 ટકાથી વધારે ઊંચકાયા છે.
બજાર સાથે જોડાયેલા લોકો જણાવે છે કે નોન-બેન્કિંગ ફાઇનાન્સ કંપનીઓમાં હાલમાં જે કટોકટી ચાલી રહી છે તેના કારણે પાછલા બે મહિના દરમિયાન રોકાણકારોની જોખમ વહન કરવાની ક્ષમતામાં નોંધપાત્ર ઘટાડો નોંધાયો છે.
]]>
from Page Array – I Am Gujarat https://ift.tt/2DySmce
No comments:
Post a Comment