મહિન્દ્રાએ પોતાની નવી SUV કારનું બુકિંગ શરૂ કર્યું, નામ આપ્યું Alturas

મહિન્દ્રા લાવી રહ્યું છે નવી એસયુવી કાર

નવી દિલ્હીઃ મહિન્દ્રાએ પોતાની નવી SUV Alturas G4 અંગે જાહેરાત કરી, ત્યારથી કાર માર્કેટમાં તેની ખૂબ ચર્ચા છે. હવે સામે આવી રહ્યું છે કે આ કારનું લોન્ચિંગ 24 નવેમ્બરના રોજ કરવામાં આવશે. કંપનીએ કારનું એડવાન્સ બુકિંગ શરૂ કરી દીધું છે. કંપીનીએ આ નવી એસયુવીને એક અલગ નામ Alturas આપ્યું છે. માનવામાં આવી રહ્યું છે કે મહિન્દ્રા Alturas SUV લેટેસ્ટ જનરેશન SsangYong Rexton SUV પર બેઝ્ડ છે જે ભારતમાં મહિન્દ્રાનું સૌથી ઊંચું મોડલ છે.
અમારા ન્યૂઝ Whatsapp પર મેળવવા અહીં ક્લિક કરો

શું છે તેની ખાસિયતો, જાણો

મહિન્દ્રા Alturas G4 બે વેરિયન્ટમાં લોન્ચ થશે. પહેલા વેરિયન્ટમાં લોઅર-સ્પેક G2 trim, 2WD છે જ્યારે બીજું વેરિન્ટ G4 4WD મોડલ છે. આ એસયુવીમાં કંપની 2.2 લીટર ડીઝલ એન્જિન આપશે. આ એન્જિન 180.5 bHp પાવર સાથે 450 Nm ટોર્ક જનરેટ કરે છે. જોકે કંપનીએ તેમાં મેન્યુઅલ ગિયર બોક્સનો ઓપ્શન આપ્યો નથી.

7 સ્પીડ ઓટોમેટિક ગિયર બોક્સ

મહિન્દ્રા Alturas G4માં મર્સિડિઝની જેમ 7 સ્પીડ ઓટોમેટિક ગિયર બોક્સ આપવામાં આવ્યું છે. જે મેન્યુઅલ શિફ્ટિંગ પર કામ કરશે. મહિન્દ્રા આ એસયુવીને એકદમ ફ્રશ લૂક આપ્યો છે જે નવી Rexton જેવી દેખાઈ રહી છે. કંપનીએ ફ્રેમ કંસ્ટ્રક્શનમાં કેટલાક ફેરફાર કર્યા છે. કંપનીએ પોતાના નવા ફ્લેગશિપ મોડલ તરીકે રજૂ કર્યું છે. કંપનીના નજીકના સૂત્રોનું કહેવું છે કે કંપનીએ Alturas નામ ફાઈનલ કરી દીધું છે. Alturasનો અર્થ થાય છે ઊંચાઈ.