ભારત માટે મેલબોર્નમાં જીતવું અનિવાર્ય
નવી દિલ્હી : ભારતીય ટીમ ઓસ્ટ્રેલિયા વિરુદ્ધ બીજી ટી20 મેચ રમવા માટે મેલબૉર્ન પહોંચી ગઈ છે. ભારતીય ક્રિકેટ કન્ટ્રોલ બોર્ડ (BCCI)એ ટીમનો એક વીડિયો સોસશિયલ મીડિયા પર શેર કર્યો છે. બંને ટીમો વચ્ચે બીજી મેચ શુક્રવારે રમાશે. બ્રિસ્બેન ખાતેની પ્રથમ મેચમાં હારનારી કેપ્ટન કોહલીની ટીમ આ મેચ કોઈપણ ભોગે જીતવા માગશે, કારણ કે, જો તે આ મેચ હારી જશે તો સીરીઝ ગુમાવી દેશે.
મેલબોર્નમાં ઑસ્ટ્રેલિયા પર ભારે છે ટીમ ઈન્ડિયા
મેદાનના રેકોર્ડ પર નજર કરવામાં આવે તો અહીં ભારતીય ટીમ પાસે મનોવૈજ્ઞાનિક લીડ હશે. અસલમાં ભારતે અહીં મેજબાન ઑસ્ટ્રેલિયા સામે કુલ 3 મેચો રમી છે જેમાંથી તે બેમાં જીત મેળવી ચૂકી છે. ભારત માટે બીજી પૉઝિટિવ વાત એ છે કે, તેણે અહીં છેલ્લી મેચ જીતી હતી. આ મેચમાં કેપ્ટન કોહલી અને વાઈસ કેપ્ટન રોહિત શર્મા બંનેએ હાફ સેન્ચુરી ફટકારી હતી.
ચમક્યા હતા રોહિત-વિરાટ
અહીં રમાયેલી મેચમાં રોહિત શર્માના 60 અને વિરાટ કોહલી નોટઆઉટ 59 અને શિખર ધવનના 42 રનની મદદથી ભારતે 20 ઓવર્સમાં 3 વિકેટે 184 રન બનાવ્યા હતા. જવાબમાં ઓસ્ટ્રેલિયા 8 વિકેટના ભોગે 157 રન જ બનાવી શકી હતી. આ મેચમાં જસપ્રીત બુમરાહ અને રવીન્દ્ર જાડેજાએ 2-2 વિકેટ ઝડપી હતી. જોકે, રમાઈ ગયેલી મેચની વાત છે જો ભારતે આ સીરીઝમાં ટકી રહેવું હોય તો તેણે શુક્રવારની મેચ જીતવી જ પડશે.
ભારતની સંભવિત ટીમ
— BCCI (@BCCI) November 22, 2018
વિરાટ કોહલી (કેપ્ટન), રોહિત શર્મા, શિખર ધવન, કે એલ રાહુલ, ઋષભ પંત, દિનેશ કાર્તિક, કૃણાલ પંડ્યા. કુલદીપ યાદવ, ભુવનેશ્વર કુમાર, જસપ્રીત બુમરાહ, ખલીલ અહેમદ, યુઝવેન્દ્ર ચહલ, વૉશિગ્ટન સુંદર, શ્રેયસ અય્યર, ઉમેશ યાદવ, મનીષ પાંડે
No comments:
New comments are not allowed.