નવી દિલ્હી:દવા ઉત્પાદક સન ફાર્માએ જુલાઈ-સપ્ટેમ્બર ત્રિમાસિક ગાળા માટે ₹218.82કરોડની સંગઠિત ચોખ્ખી ખોટ નોંધાવી હતી. અમેરિકામાં મોડાફિનિલ એન્ટિટ્રસ્ટ કેસના સેટલમેન્ટ માટે ₹1,214 કરોડની જોગવાઈ કરવાના કારણે આ ખોટ થઈ છે.
કંપનીએ અગાઉના નાણાકીય વર્ષમાં ₹912.12 કરોડનો ચોખ્ખો નફો નોંધાવ્યો હતો. તેણે જણાવ્યું કે મોડાફિનિલ એન્ટિટ્રસ્ટ કેસમાં બાકી રહેતા તમામ અરજદારોને સેટલમેન્ટ માટે ₹1,214 કરોડની ચુકવણીની કરવામાં આવે તો ત્યાર પછી ક્વાર્ટર માટે ચોખ્ખી ખોટ ₹219 કરોડ થાય છે.
કંપનીએ ગયા વર્ષમાં એન્ટિટ્રસ્ટ કેસમાં કેટલાક ફરિયાદીઓ સામે સેટલમેન્ટ પ્રક્રિયા કરી હતી. નાણાકીય વર્ષ 2019ના બીજા ક્વાર્ટર માટે ચોખ્ખો નફો ₹996 કરોડ હતો જેમાં એડ્જસ્ટેડ નેટ પ્રોફિટ માર્જિન 14.5 ટકા હતો. વિચારણા હેઠળના ક્વાર્ટરમાં કંપનીની કામગીરીમાંથી સંગઠિત રેવન્યુ ₹6,846.48 કરોડ હતી. એક વર્ષ અગાઉ સમાન ગાળામાં તે ₹6,590.06 કરોડ હતી.
સન ફાર્માના એમડી દિલીપ સંઘવીએ જણાવ્યું કે, “અમારા બીજા ક્વાર્ટરના આંકડા એકંદર બિઝનેસની હેલ્થનું પ્રદર્શન કરતા નથી. અમે અમારી મુખ્ય કામગીરી પર ફોકસ કરવાનું અને કાર્યક્ષમતામાં વધારો કરવાનું જારી રાખીએ છીએ. વર્ષના બાકીના ગાળા માટે અમે પરફોર્મન્સ અંગે હકારાત્મક મત ધરાવીએ છીએ. અમેરિકામાં ઇલ્યુમ્યાના સફળ લોન્ચથી અમે ઉત્સાહિત છીએ.”
નાણાકીય વર્ષ 2019 માટે ભારતમાં બ્રાન્ડેડ ફોર્મ્યુલેશનનું વેચાણ ₹1,860 કરોડનું નોંધાયું હતું. સપ્લાય ચેઇનમાં વન ટાઇમ ઇન્વેન્ટરી રિડક્શનના કારણે તેમાં 16 ટકા ઘટાડો થયો હતો. ક્વાર્ટર દરમિયાન અમેરિકામાં વેચાણ 342 મિલિયન ડોલર નોંધાયું હતું.
ગયા વર્ષના સમાન ગાળાની સરખામણીમાં તેમાં 11 ટકા વૃદ્ધિ થઈ છે. ક્વાર્ટર દરમિયાન કુલ સેલ્સમાં તેનો હિસ્સો 35 ટકા હતો. ઊભરતાં બજારોમાં કંપનીનું વેચાણ 195 મિલિયન ડોલર (લગભગ 1,416 કરોડ રૂપિયા) નોંધાયું હતું. ગયા વર્ષના સમાન ગાળાની સરખામણીમાં તે સપાટ રહ્યું છે. રેસ્ટ ઓફ ધ વર્લ્ડ (આરઓડબલ્યુ) માર્કેટમાં ફોર્મ્યુલેશન સેલ્સ લગભગ 784 કરોડ રૂપિયા (108 મિલિયન ડોલર) જેટલું નોંધાયું હતું. ગયા વર્ષના સમાન ગાળાની સરખામણીમાં તેમાં બે ટકાનો ઘટાડો થયો છે.
]]>
from Page Array – I Am Gujarat https://ift.tt/2zceaXf
No comments:
Post a Comment