વોટ્સએપમાં આવશે વેકેશન મોડ ફીચર
ઈન્સ્ટન્ટ મેસેજિંગ એપ્લિકેશન વોટ્સએપ પર એક નવું ફીચર આવવા જઈ રહ્યું છે જે તમારા માટે ફાયદાકારક સાબિત થઈ શકે છે. રિપોર્ટ્સ મુજબ આવનારા સમયમાં વોટ્સઅપ અપડેટ સાથે વેકેશન મોડ આપવામાં આવશે. જેના દ્વારા યુઝર્સ કન્વર્ઝેશન લાંબા સમય સુધી મ્યૂટ કરી શકે છે.
કન્વર્ઝેશનને લાંબા સમય સુધી મ્યુટી કરી શકશો
હાલમાં પણ વોટ્સએપ કન્વર્ઝેશન મ્યૂટ કરવાનું ઓપ્શન છે, પરંતુ તે ટૂંકા સમય માટે છે. ઉદાહરણ તરીકે તમે કોઈ ચેટને આર્કાઈવ કર્યું છે, પરંતુ તમે તે ગ્રુપ અથવા ચેટમાં કોઈએ મેસેજ કર્યા તે જાતે જ અનઆર્કાઈવ થઈ જાય છે. વેકેશન મોડથી આર્કાઈવ ચેટ્સને વેકેશન મોડમાં નાખીને લાંબા સમય સુધી મ્યુટ રાખી શકાય છે. એટલે કે બાદમાં આર્કાઈવ કરેલા ગ્રુપ્સ અથવા સિંગલ ચેટમાં જોઈ કોઈ મેસેજ કર્યો તેમ છતાં તે અનઆર્કાઈવ નહીં થાય અને તમને નોટિફિકેશન નહીં મળે.
મેસેજ નોટિફિકેશનથી મળશે છૂટકારો
વેકેશન મોડ ફીચર ઈનેબલ કરવા માટે યુઝર્સને ગ્રુપ ચેટ મ્યુટ કરીને આર્કાઈવ કરવાનું રહેશે. આર્કાઈવ કર્યા બાદ વેકેશન મોડ સિલેક્ટ કરી શકો છો. જેથી ભવિષ્યમાં ગ્રુપ્સમાં આવનારા મેસેજના નોટિફિકેશન તમને ન મળે.
મરજી વિરુદ્ધ નહીં દેખાય ચેટ
જો તમે કોઈ ચેટ્સને પોતાના લિસ્ટમાં જોવા નથી ઈચ્છતા અને તેને મ્યૂટ કરીને આર્કાઈવ કર્યું છે તો આ ફીચર તમારા માટે ખૂબ જ ફાયદાકારક રહેશે. કારણ કે પછી તમારી મરજી વિના ચેટ તમને નહીં દેખાય. વોટ્સએપનું અપડેટ આગામી બે અઠવાડિયામાં આવી શકે છે. પરંતુ આ સ્પષ્ટ નથી કે વેકેશન મોડ આગામી અપડેટમાં આવશે અથવા તેમા વધારે સમય લાગશે.
from Page Array – I Am Gujarat https://ift.tt/2PnwA1b
No comments:
Post a Comment