સૌથી વૃદ્ધ યુ ટ્યુબ સ્ટારઃ
જ્યારે ટેક્નોલોજીની વાત આવે તો આપણે માની લઈએ છીએ કે તે યુવાનો માટે જ હોય છે. પરંતુ શું તમે જાણો છો કે દુનિયામાં 106 વર્ષના એક એવા યુ ટ્યુબ સ્ટાર છે જેના અઢીલાખ ચાહકો છે. ભારતના આંધ્રપ્રદેશના 106 વર્ષના વૃદ્ધા કર્રે મસ્તાનમ્મા તેમની કૂકિંગની અલગ સ્ટાઈલથી અને બીજા લોકોને જમાડવાના શોખને કારણે યુ ટ્યુબ પર ફેમસ છે. તેમના લગ્ન 11 વર્ષે થઈ ગયા હતા અને 22 વર્ષે તે વિધવા થઈ ગયા હતા. આજે એમના પ્રપૌત્રની મદદથી તે યુટ્યુબ સ્ટાર બની ગયા છે. આખી દુનિયામાંથી લોકો તેમની અલગ કૂકિંગ સ્ટાઈલને વખાણી રહ્યા છે.
રાંધવાની યુનિક સ્ટાઈલઃ
જો તમે તેમની યુટ્યુબ ચેનલ જોશો તો તમને માટીના ચુલ્હા, લાકડાના ચૂલા અને સૂકા પાંદડાનો અગ્નિ કરીને અમ્મા રાંધતા જોવા મળશે. તે રસોઈ માટે માટીના વાસણો વાપરે છે જેને કારણે તેમની રસોઈમાં માટીની ફ્લેવર આવે છે. રસોઈકળા પ્રત્યે તેમનો પ્રેમ અને અન્ય લોકોને જમાડવાનો તેમનો ઉત્સાહ તેમને બીજા બધા કરતા જુદા પાડે છે.
ફક્ત વધારે ક્વોન્ટિટીમાં રાંધે છેઃ
તે ક્યારેય ઓછુ નથી રાંધતા. તેમની ફિલોસોફી રાજાની જેમ જીવવાની છે. જો તમે ઓથુ ખાવ તો તેમને ખોટુ લાગી જાય છે.
વોટરમેલન ચિકનઃ
તેમની રસોઈની સ્ટાઈલ અલગ જ છે. તે તરબૂચમાં ચિકન રાંધે છે. તરબૂચની અંદર મેરિનેટ કરેલા ચીકનના ટૂકડા કેળના પાનમાં લપેટીને મૂકે છે અને પછી લોટથી તરબૂચ બંધ કરીને તેને પકવે છે. આવી ફ્લેવર દુનિયામાં બીજે ક્યાંય નથી મળતી.
ટમેટામાં ઓમલેટઃ
આ ઓમલેટ માજી ઓસાવેલા ભાત સાથે આપે છએ. ટમેટાના બીજ કાઢીને તે તેમાં એગ યૉક, નમક, મરી અને હળદર નાંખે છે અને પછી ટમેટાને બંધ કરી દે છે. ત્યાર બાદ તેને ડુંગળી, ટમેટા, લસણ અને મસાલાથી બનેલી ગ્રેવીમાં નાંખે છે. આ ડિશને તે ભાત સાથે કેળના પાન પર પીરસે છે.
ફૂડ પ્રત્યે પ્રેમઃ
આજની તારીખે તે ઉર્જાસભર છે. તે હંમેશા કંઈક નવુ કરવા તલપાપડ રહે છે. ખરેખર નકારાત્મકતાથી ભરેલા જીવનમાં તે આશાના કિરણ સરખા છે અને તે અનેક લોકોને પ્રેરણા આપી રહ્યા છે.
from Page Array – I Am Gujarat https://ift.tt/2FNcWYa
No comments:
Post a Comment