જુઓ વીડિયો, ભારતીય ટ્રેન 180 કિલોમીટરની ઝડપે દોડી

ભારતની સૌથી ઝડપી ટ્રેન

ટ્રેન 18, દેશમાં તૈયાર થયેલી સેમી હાઈ સ્પીડ ટ્રેન 180 કિલોમીટર પ્રતિ કલાકની ઝડપે દોડ્યા પછી સત્તાવાર રીતે ભારતની સૌથ ઝડપી ટ્રેન જાહેર કરવામાં આવી છે. રેલવે મંત્રી પીયૂષ ગોયલે બુધવારે આ અંગેની જાહેરાત પણ કરી છે.

આ કારણે અપાઈ મંજૂરી

ચીફ કમિશનર ઓફ રેલવે સેફ્ટી (CCRS)એ કેટલીક શરતો સાથે કમર્શિયલ ઓપરેશન માટે ટ્રેનને 160 કિલોમીટરની ઝડપે ચલાવવાી મંજૂરી આપી છે. દુર્ઘટનાઓને રોકવા માટે ટ્રેન બાજુમાં મજબૂત ફેન્સિંગની પણ જોગવાઈ છે.

અકસ્માત રોકવાના પ્રયાસો

CCRSએ રેલવે બોર્ડને કહ્યું, 130 કિલોમીટર પ્રતિકલાકની ઝડપથી ટ્રેન દોડાવવ માટે રેલવેએ મહત્વપૂર્ણ અને જરુરી સ્થાનો પર મજબૂત ફેન્સિંગ કરવું જોઈએ, જ્યારે 130 થી 160 કિલોમીટર સુધીની ઝડપ માટે આખા ટ્રેકના કિનારા પર મજબૂત ફેન્સિંગ હોવું જોઈએ. કોઈ પણ નવી ટેક્નોલોજીનો ઉપયોગ કરતા પહેલા CCRSની મંજૂરી જરુરી શરત છે.

રેલવે મંત્રીએ કરી જાહેરાત

રેલવે મંત્રાલયના સૂત્રોએ કહ્યું કે, જ્યાં ટ્રેકની સ્થિતિ ઘણી સારી છે ત્યાં ટ્રેનની સ્પીડ વધારે રાખી શકાય છે. રેલવે મંત્રીએ એક વીડિયો ક્લિપ ટ્વીટ કરીને લખ્યું- સ્પીડ જઈએઃ 180 કિલોમીટર પ્રતિ કલાકની સ્પીડે દોડીને, સત્તાવાર રીતે ભારતની સૌથી ઝડપી ટ્રેન.

રેલવે મંત્રીનું ટ્વીટ

Need for Speed: Train 18 seen cruising at a sustained 180Km/h, officially becoming the fastest train in India pic.twitter.com/2VNF1U3qrl

— Piyush Goyal (@PiyushGoyal) December 26, 2018

વડાપ્રધાન મોદી કરશે ઉદ્ઘાટન

100 કરોડ રુપિયાના ખર્ચ સાથે માત્ર 18 મહિનામાં તૈયાર ‘ટ્રેન 18’ને દિલ્હી-વારાણસી વાયા અલ્હાબાદ રૂટ પર દોડાવવામાં આવશે. વડાપ્રધાન નરેન્દ્ર મોદીએ આ ટ્રેનને લીલીઝંડી બતાવીને રવાના કરશે. જોકે, હજુ તેની તારીખ નિશ્ચિત નથી થઈ. આગળ જુઓ ટ્રેનની કેટલીક ખાસ તસવીરો.