બોલો! 52 વર્ષના સલમાનને 24 વર્ષ નાની છોકરી જોડે લગ્ન કરવા છે!

પહેલીવાર સલમાન લગ્ન પર બોલ્યો

બોલિવૂડના દબંગ સલમાન ખાનના લગ્નની રાહ તો ફેન્સ વર્ષોથી જોઈ રહ્યા છે. આટલું જ નહીં બોલિવૂડમાં પણ ભાઈજાન લગ્ન ક્યારે કરશે તેની ચર્ચાઓ સતત ચાલતી રહે છે. જોકે આ મામલે અત્યાર સુધી બોલવાથી બચતા સલમાને પહેલીવાર તેને કેવા પ્રકારની છોકરી જોઈએ છીએ, તે વાતનો ખુલાસો કર્યો છે. હાલમાં જ બિગ બોસમાં વીકેન્ડના વાર એપિસોડમાં સિંબાના પ્રમોશન માટે રણવીર સિંહ, સારા અલી ખાન અને રોહિત શેટ્ટી પહોંચ્યા. આ દરમિયાન રોહિત શેટ્ટીએ કહ્યું કે, રણવીર સિંહ પાછલા એક મહિનાથી લગ્ન કરી રહ્યો છે. તેના પર સલમાન કહે છે, હું તો હજુ સુધી એકપણ વાર લગ્ન નથી કરી શક્યો.

આવી છોકરી સાથે લગ્ન કરવા ઈચ્છે છે ભાઈજાન

એવામાં સારા અલી ખાન કહે છે કે, સલમાન, તમે ક્યારે લગ્ન કરશો. જે બાદ ત્રણેય લોકો મળીને સલમાનના લગ્ન માટે બાયોડેટા બનાવે છે. રણવીર સિંહ પૂછે છે કે, તમને કેવી છોકરી જોઈએ. તો સલમાન કહે છે, જેની ઉંમર 28-30 વર્ષની વચ્ચે હોય તેવી.

કેટરિના સાથે સલમાનને લગ્ન નથી કરવા?

આ વાત સાંભળીને ત્રણેય સ્ટાર્સને પણ નવાઈ લાગી હતી. ઉલ્લેખનીય છે કે સલમાન ખાનની ફરીવાર કેટરિના સાથેની નિકટતા વધી રહી છે. એવામાં લોકોને પણ લાગ્યું હતું કે ભાઈજાનની લાઈફમાં ફરીથી કેટરિનાની એન્ટ્રી થઈ છે. પરંતુ સલમાને લગ્ન માટે જે છોકરી બતાવી છે તેમાં કેટરિના ફીટ બેસતી નથી.

આ વીકમાં મળશે બિગ બોસ 12નો વિનર

બિગ બોસ શોની વાત કરીએ તો આ શોની 12મી સિઝન ચાલી રહી છે અને માત્ર એક વીકમાં જ બિગ બોસ 12નો વિનર મળી જશે. શોના છેલ્લા વીક પહેલા સોમી બહાર થઈ ગઈ હતી. જેથી હવે દીપક, રૌમિલ, સુરભી, દીપિકા, શ્રીસંત અને કરણવીર બાકી રહ્યા છે, જેમાંથી સુરભી રાણા પહેલાથી છેલ્લા ત્રણ ફાઈનલિસ્ટમાં સ્થાન મેળવી ચૂકી છે. હવે જોવાનું રહેશે કે તેની સાથે બાકીના 2 ફાઈનલીસ્ટ કોણ બનશે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2GFXUEh