60 હજાર ચોરાયાઃ
ટીવી ક્વીન એકતા કપૂર તાજેતરમાં જ પોતાની હેન્ડ બેગમાં 1.50 લાખ રૂપિયા રોકડા લઈને જઈ રહી હતી ત્યારે તેના પર્સમાંથી કોઈએ 60,000 રોકડ ચોરી લીધા હતા. સમય વેડફ્યા વિના એકતાએ જુહુ પોલીસ સ્ટેશનમાં ફરિયાદ નોંધાવી હતી. પોલીસ અધિકારીઓએ આઈપીસીની 379 અંતર્ગત ફરિયાદ નોંધી છે પણ અત્યાર સુધી કોઈની ધરપકડ થઈ નથી.
અમારા ન્યુઝ WhatsApp પર મેળવવા અહીં ક્લિક કરો
બેગ હલકી લાગતા ખબર પડીઃ
રિપોર્ટ્સ અનુસાર શનિવારે એકતાએ જ્યારે પોતાની બેગ ઊંચકી ત્યારે તેને થોડી હલકી લાગી. કેશ ગણતા તેને ખબર પડી કે 60,000 રૂપિયા ચોરાઈ ગયા હતા. આથી તેણે પોલીસ ફરિયાદ નોંધાવી હતી.
પોલીસ કરી રહી છે તપાસઃ
આસિસ્ટન્ટ પોલીસ કમિશનરે જણાવ્યું કે તેના જુહુ બંગલામાં કામ કરતા કોઈ નોકરનું કારસ્તાન હોઈ શકે છે. ગુનેગારની જલ્દી જ ધરપકડ કરવામાં આવશે. ત્રણ અધિકારીઓની ટીમ આ બાબતે તપાસ કરી રહી છે. અત્યાર સુધી કોઈને ક્લીન ચીટ આપવામાં આવી નથી.
સીસીટીવી ફૂટેજ તપાસ્યાઃ
આ માટે પોલીસ અધિકારીઓ સીસીટીવી ફૂટેજ પણ તપાસી રહ્યા છે. પોલીસને આશા છે કે તે જલ્દી જ ચોરને પકડી પાડશે.
No comments:
New comments are not allowed.