શર્મિષ્ઠા મુખરજી
નવી દિલ્હી:ઓટો કોમ્પોનન્ટ ઉત્પાદકોથી લઈને પાવર અને એનર્જી સોલ્યુશન્સ સહિતની લગભગ એક ડઝનથી વધારે કંપનીઓ દેશમાં લિથિયમ આયન બેટરીના પ્લાન્ટ સ્થાપવાની યોજના ધરાવે છે.
એક્સાઇડ, એક્સિકોમ, એમેરોન, ગ્રીનફ્યુઅલ એનર્જી સોલ્યુશન્સ, ટ્રોન્ટેક, કોસ્લાઇટ ઇન્ડિયા, નેપિનો ઓટો એન્ડ ઇલેક્ટ્રોનિક્સ, અમરા રાજા બેટરીઝ, બીએએસએફ કેટેલિસ્ટ્સ, ટ્રિનિટી એનર્જી સિસ્ટમ્સ, વર્સેલાઇટ ઓટો કોમ્પોનન્ટ્સ જેવી કંપનીઓએ દેશમાં ગ્રીન વ્હિકલ્સની ભાવિ માંગને ધ્યાનમાં રાખી બેટરી ઉત્પાદન યોજના ઘડી છે.
વડાપ્રધાન કાર્યાલયે તાજેતરમાં જાહેરાત કરી હતી કે ફેમ (ફાસ્ટર એડોપ્શન મેન્યુફેક્ચરિંગ ઓફ હાઈબ્રિડ એન્ડ ઇલેક્ટ્રિક વ્હિકલ્સ)ના બીજા તબક્કા માટે ₹5,500 કરોડની ફાળવણી કરવામાં આવી છે. ફેમ ઇન્ડિયા સ્કીમથી લિથિયમ આયન બેટરીના સ્થાનિક ઉત્પાદનને વેગ મળશે જે ઇલેક્ટ્રિક વ્હિકલ્સમાં મુખ્ય સ્થાન ધરાવે છે.
સોસાયટી ઓફ મેન્યુફેક્ચરર્સ ઓફ ઇલેક્ટ્રિક વ્હિકલ્સના ડિરેક્ટર જનરલ સોહિન્દર ગિલે જણાવ્યું કે સ્થાનિક સ્તરે ઉત્પાદનમાં રસ વધી રહ્યો છે કારણ કે સરકાર ઇ-મોબિલિટી પર ધ્યાન આપે છે. લગભગ એક ડઝન કરતાં વધુ કંપનીઓએ ચીન, તાઇવાન, કોરિયા જેવા દેશોમાંથી લિથિયમ આયન સેલ્સની આયાત શરૂ કરી છે.
આ ઉપરાંત તેઓ બેટરીનું એસેમ્બલિંગ પણ કરે છે. સ્થાનિક સ્તરે ઉત્પાદન કરવામાં આવતી બેટરીઓ મોંઘી હોય છે. પરંતુ ચાઇનીઝ બેટરીની સરખામણીમાં સ્થાનિક બેટરીની ગુણવત્તા વધુ સારી હોય છે. આ ઉપરાંત ઇલેક્ટ્રિક વ્હિકલ્સ માટે ઇકોસિસ્ટમ વિકસાવવામાં પણ વધારે ઓર્ગેનાઇઝ્ડ કંપનીઓ સક્રિય છે.
ઇલેક્ટ્રિક વ્હિકલ્સના ઊંચા ખર્ચના કારણે તેની માંગ મર્યાદિત રહી છે. આ ઉપરાંત ઇન્ફ્રાસ્ટ્રક્ચરની અછત નડતર રૂપ છે તેમ ઉદ્યોગનાં સૂત્રોએ કહ્યું હતું. ભવિષ્યમાં બેટરી ઉત્પાદકો માટે પુષ્કળ શક્યતા રહેલી છે. નામ જાહેર ન કરવાની શરતે એક સિનિયર એક્ઝિક્યુટિવે કહ્યું કે ભવિષ્યમાં પર્સનલ ઉપયોગ માટે ઇલેક્ટ્રિક કારનું વેચાણ ઓછું રહે તો પણ જે કાર દોડતી હશે તેના માટે બેટરીની જરૂરિયાત રહેવાની છે.
આ ઉપરાંત દેશમાં ૨૫ લાખ ઇ-રિક્ષા દોડે છે જેમાં નબળી કક્ષાની લેડ એસિડ બેટરી વપરાય છે. તેની જગ્યાએ રિપ્લેસમેન્ટ માટે બેટરીની જરૂર પડશે. ઇલેક્ટ્રિક વાહનોથી પ્રદૂષણમાં ઘટાડો થઈ શકે તેમ હોવાથી સરકાર તેને પ્રોત્સાહિત કરવા માંગે છે.
from Page Array – I Am Gujarat https://ift.tt/2Qz1unf
No comments:
Post a Comment