IND vs AUS: ટેસ્ટ મેચ પહેલા કોહલીએ બોલરોને આપ્યો આ મેસેજ

ટેસ્ટ સિરીઝ જીતવા પ્રયત્નો

એડિલેડઃ ભારતીય ટીમના કેપ્ટન વિરાટ કોહલીએ બુધવારે જણાવ્યું હતું કે, બોલ ટેંપરિંગના વિવાદ બાદ પણ ઓસ્ટ્રેલિયા ટીમને હળવાશથી ન લઈ શકાય. કોહલીની કેપ્ટનશીપ નીચે ટીમ ઈન્ડિયા ઓસ્ટ્રેલિયામાં પોતાની પ્રથમ ટેસ્ટ સીરીઝ જીતવા માટે પ્રયત્નો કરશે. કોહલીએ આ સાથે ભારતીય બોલરોને મેસેજ આપ્યો હતો કે, ટીમમાં ઓલરાઉન્ડના અભાવને કારણે ખેલાડીઓએ વધુ મહેનત કરવી પડશે. જેને એક્સટ્રા કામ તરીકે ધ્યાને લેવામાં ન આવે.

અમારા ન્યૂઝ WhatsApp પર મેળવવા માટે અહીં ક્લિક કરો

રેકોર્ડના બદલે મેચ પર ફોક્સ કરો

વિરાટ કોહલીએ ટેસ્ટ પહેલા ઉમેર્યું હતું કે, ટીમના બોલરોએ પોતાના રેકોર્ડ બનાવવાના બદલે મેચ પર ધ્યાન આપવું જોઈએ. ગુરુવારે ભારત અને ઓસ્ટ્રેલિયા વચ્ચે એડિલેડમાં પ્રથમ ટેસ્ટ મેચ રમાશે. જોકે, ઓસ્ટ્રેલિયાની ટીમ ટેસ્ટ ક્રિકેટમાં હાલમાં એક ખરાબ સ્થિતિમાંથી પસાર થઈ રહી છે. ઓસ્ટ્રેલિયા ટીમના સ્ટાર ખેલાડી સ્ટિવ સ્મિથ અને ડેવિડ વોર્નર પર એક વર્ષ સુધીનો પ્રતિબંધ છે. તેથી આ બંને ખેલાડીઓની અનઉપસ્થિતિ વચ્ચે ભારતીય ટીમ તેનો ફાયદો ઉઠાવી શકે છે. બીજી તરફ ભારતીય ક્રિકેટ ટીમમાં હાર્દિક પંડ્યા ન હોવાને કારણે કોહલીએ સ્વીકાર્યું કે, ઈશાંત શર્માએ આક્રમક બોલિંગ કરીને વધુ સારી બોલિંગ કરવી પડશે.

ઓલરાઉન્ડર ન હોય તો ઘણો ફરે પડે

વિરાટ કોહલીએ કહ્યું કે, ટીમમાં કોઈ ઓલરાઉન્ડર ન હોય તો ટીમને ઘણો ફેર પડે છે. દરેક ક્રિકેટ ટીમ એક ફાસ્ટ બોલર સહિત ઓલરાઉન્ડર ઈચ્છે છે. જે હાલમાં આપણી પાસે નથી. ઓલરાઉન્ડર ન હોય એટલે બીજા ખેલાડીઓની જવાબદારીઓ વધી જાય છે. જેના પર અગાઉ પણ વાત થઈ ચૂકી છે. ઓસ્ટ્રેલિયાના માહોલને ખેલાડીઓએ પડકાર તરીકે લે. બોલને ઉછાળ આપતી ઓસ્ટ્રેલિયાની પીચ અને મોટુ મેદાન બોલરોની કસોટી લઈ શકે છે. બોલરોએ તેને જવાબદારી તરીકે નહીં પણ એક ચેલેન્જડ તરીકે લેવી જોઈએ.

આંતરરાષ્ટ્રીય સ્તરે કંઈ સરળ નથી હોતું

વિરાટે જણાવ્યું હતું કે, જ્યારે પણ આંતરરાષ્ટ્રીય મેચની વાત આવે ત્યારે કંઈ પણ વસ્તુ સરળ નથી હોતી. મર્યાદિત સાધનો વચ્ચે સર્વશ્રેષ્ઠ પ્રદર્શન કરવું પડશે. બોલરો પાસે પોતાની શૈલી અને અનુભવ બંને છે. અગાઉના મેચ કરતા આ વખતેના મેચમાં આક્રમણ થોડું અલગ હશે. વધુ અનુભવી અને ફીટ બોલરો મેદાને ઊતરશે. ઓસ્ટ્રેલિયા સામે જીતવા માટે યોગ્ય દિશામાં બોલિંગ અને બધી રીતે ટકી રહેવું પડશે. કારણ કે અહીં સ્થિતિ ખૂબ કઠિન છે.

પૂરી તૈયારીઓ સાથે ઊતરશે ખેલાડીઓ

ઓસ્ટ્રેલિયામાં ભારે ગરમી અને પીચ સપાટ હશે. 20 ઓવર બાદ બોલને સ્વિંગ નથી મળતો. 45 થી 50 ઓવર વચ્ચે સ્વિંગ મળવાની શરૂ થશે. જેની વચ્ચે ખેલાડીઓ પૂરી તૈયારીઓ સાથે મેદાને ઊતરશે. મારા બોલરો પોતાના રેકોર્ડ માટે નહીં પણ બોલિંગ પણ ફોક્સ કરી રહ્યા છે. કોઈ માત્ર વિકેટ ઝડપવા માટે નહીં રમે. કોહલી ઓસ્ટ્રેલિયાની કોઈ પણ મુવમેન્ટને હળવાશથી લેવા નથી માગતો. મેચની પૂર્વ સંધ્યાએ એક પત્રકાર પરિષદ દરમિયાન ટેસ્ટ માટેના 12 ખેલાડીઓની પણ જાહેરાત કરી હતી. કોહલીએ કહ્યું કે, તમે કોઈ પણ ટીમને હળવાશથી ન લઈ શકો. ખેલાડીઓનું સ્કિલ મહત્ત્વનું છે.

હોમ ગ્રાઉન્ડની પ્રોક્ટિસનો ફાયદો થઈ શકે

હાલમાં ખેલાડીઓ પાસે સારા પ્રદર્શન માટેનું હુનર જરૂરી છે. મુરલી વિજયને ઈગ્લેન્ડ સામેની ટેસ્ટ મેચમાં 0 પર આઉટ થતા ટેસ્ટ ટીમમાંથી બહાર કરી દેવામાં આવ્યો હતો. તેની સાથે યુવા ઓપનર પૃથ્વી શો પણ ઈજાગ્રસ્ત થતા ટેસ્ટ મેચમાંથી બહાર ગયો હતો. ભારતીય કેપ્ટને 12 ખેલાડીઓની જાહેરાત કરી દીધી છે પણ અંતિમ 11નો નિર્ણય મેચના દિવસે કરવામાં આવશે. હવે જોવાનું એ છે કે, રોહિત શર્માને તક મળે છે કે હનુમા વિહારીને? આ સિવાય બોલર આર. અશ્વિનને પણ ટીમમાં સ્થાન મળી શકે છે.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat https://ift.tt/2FXlA6n