પ્રિયંકાનો વેડિંગ ડ્રેસઃ
પ્રિયંકા ચોપરાએ ગઈકાલે જોધપુરના ઉમેદભવન ખાતે યોજાયેલા તેના લગ્નનો વિડીયો અપલોડ કર્યો ત્યારથી તેના વેડિંગ ડ્રેસની ચારેકોર ચર્ચા છે. દેસી ગર્લનો બ્રાઈડલ લૂક, ખાસ કરીને ક્રિશ્ચિયન વેડિંગ લૂક લોકોને ખૂબ જ પસંદ આવી રહ્યો છે. તમે વિડીયોમાં જોયુ હશે તેમ પ્રિયંકાએ વેસ્ટર્ન વેડિંગમાં ડ્રેસ પહેરેલો તેની ચૂનરી (વેઈલ) 75 મીટર એટલે કે નાનકડા એપાર્ટમેન્ટ કરતા પણ લાંબી હતી. પ્રિયંકાના ગાઉન વિષેની અમુક બાબતો જાણીને તમારી નવાઈનો પાર નહિ રહે.
અમારા ન્યુઝ WhatsApp પર મેળવવા અહીં ક્લિક કરો
મોતી-ક્રિસ્ટલનું વર્કઃ
પ્રિયંકાએ વેડિંગ પર સુંદર રાલ્ફ એન્ડ લોરેન કસ્ટમાઈઝ્ડ ગાઉન પહેર્યો હતો. હેલ્લો કેનેડાના જણાવ્યા મુજબ પ્રિયંકાના આ ગાઉનમાં હેન્ડ એમ્બ્રોઈડરી હતી અને હાથેથઈ મોતી ટાંકવામાં આવી હતી. આ મોતી અત્યંત કિંમતી હતી. પ્રિયંકાના ગાઉન પર ટાંકવામાં આવેલા ક્રિસ્ટલ્સ સ્વોરોસ્કીના હતા. આ ગાઉન તૈયાર કરતા 1826 કલાક લાગ્યા હતા.
ગાઉન પર લખેલા આઠ શબ્દોઃ
પ્રિયંકાના લાંબી સ્લીવના ગાઉન નીચે સ્ટ્રેપલેસ ડ્રેસ હતા જે વીસ લાખ જેટલી સુંદર ટીકડીઓથી તૈયાર કરવામાં આવ્યો હતો. પ્રિયંકાના આઉટફિટમાં આઠ જેટલા સ્પેશિયલ વર્ડ્સ લખ્યા હતા. આ શબ્દો છેઃ નિકોલસ જેરી જોનસ, 1 ડિસેમ્બર 2018, મધુ એન્ડ અશોક, ઓમ નમઃ શિવાય, ફેમિલી, હોપ, કમ્પેશન અને લવ. તેણે તેની સાસુના વેડિંગ ડ્રેસની લેસ પણ ડ્રેસમાં સીવડાવી હતી.
નિક જોનસના ડ્રેસની ખાસિયતઃ
નિક જોનસે રાલ્ફ લૉરેનનો ટક્સેડો પહેર્યો હતો અને તેમાં પ્રિયંકાના વેડિંગ ગાઉનની નાનકડી લેસ લગાવી હતી. તેના લેપલ પર ‘માય જાન’ લખેલુ હતુ. ચર્ચા મુજબ વેડિંગના વેન્યુ પર 50 કિલો સફેદ ફૂલ મંગાવવામાં આવ્યા હતા.
રાલ્ફ લૉરેને ડિઝાઈન કર્યો ડ્રેસઃ
જગવિખ્યાત ડિઝાઈનર રાલ્ફ લોરેને 50 વર્ષની કારકિર્દીમાં આજ સુધી ત્રણ જ બ્રાઈડ માટે ડ્રેસ તૈયાર કર્યા છે અને તે ત્રણેય તેના પોતાના ફેમિલીની છે. એક તેની દીકરી, બીજી વહુ અને ત્રીજી ભત્રીજી. રાલ્ફ લૉરેને વેડિંગ ડ્રેસ ડિઝાઈન કરવા માટે સામેથી પ્રિયંકાનો સંપર્ક કર્યો હતો. તેમે ડ્રેસનો સ્કેચ બતાવ્યો એ સાથે જ પ્રિયંકાએ વેડિંગ ડ્રેસ માટે હા પાડી દીધી હતી.
ઈન્ડિયન વેડિંગ ડ્રેસની ખાસિયતઃ
પ્રિયંકાનો ઈન્ડિયન વેડિંગ ડ્રેસ સબ્યસાચીએ ડિઝાઈન કર્યો હતો. સબ્યસાચીએ ઈન્સ્ટાગ્રામ પર જણાવ્યું કે આ ડ્રેસ હેન્ડ કટ ઓર્ગન્ઝા ફ્લાવર્સમાંથી તૈયાર કરાયો હતો. તેમાં રેડ ક્રિસ્ટલ્સનું વર્ક હતું અને ઝીણુ એમ્બ્રોઈડરી વર્ક હતુ. કલકત્તાના 110 જેટલા એમ્બ્રોઈડરી આર્ટિસ્ટ્સે 3720 કલાકની મહેનતથી પ્રિયંકાનો આ વેડિંગ ડ્રેસ તૈયાર કર્યો હતો.
જ્વેલરીની ખાસિયતઃ
પ્રિયંકાએ લગ્નમાં મુઘલ જ્વેલરી, અનકટ ડાયમન્ડ, એમરાલ્ડ અને જાપાનીઝ મોતી પહેર્યા હતા. તેની 22 કેરેટ ગોલ્ડ જ્વેલરીમાં અનકટ ડાયમન્ડ્સ લગાવી ફેન્સી લૂક આપવામાં આવ્યો હતો. નિક જોનસે સિલ્ક શેરવાની સાથે હેન્ડ એમ્બ્રોઈડરી વાળો ચિકન દુપટ્ટો અને ચંદેરીનો સાફો પહેર્યો હતો. તેણે સબ્યસાચી હેરિટેજ જ્વેલરીમાંથી ડાયમન્ડ નેકલેસ પસંદ કર્યો હતો. સાથે જ તેણે ક્રિશ્ચન લોબોટિનના શૂઝ પહેર્યા હતા.
from Fashion News in Gujarati: Latest Fashion News, Read Breaking Fashion News – Page Array – I Am Gujarat https://ift.tt/2QEBgzC
No comments:
Post a Comment