આ ટ્રિકના ઉપયોગથી જાદુગર તમારી નજર સામે શરીરના બે ટૂકડા કરી નાખે છે

જાદુગરના મેજિક શોના સિક્રેટ

તમે નાના હશો ત્યારે ઘણીવાર ફેમિલી સાથે મેજિક શો જોવા માટે ગયા હશો. અહીં તમને જાત ભાતના મેજિક બતાવવામાં આવ્યા હશે, જે જોઈને ઘરે જતા સમયે તમે પણ વિચારતા થઈ જાઓ કે ખરેખર આ કેવી રીતે બન્યું. જાદુગર તમારી નજરની સામે જ કોઈ વસ્તુ ગાયબ કરી નાખવી, શરીરના બે ટૂકડા કરી નાખવા, ખાલી હાથમાંથી પૈસાનો સિક્કો કાઢવો અથવા ટોપીમાંથી સસલું કે કબૂતર કાઢવાના ઘણા મેજિક જોયા હશે. આજે અમે તમને એક મેજિક ટ્રિક જણાવીશું જે તમે ઘણીવાર જોઈ તો હશે પરંતુ તેની પાછળ રહેલું સિક્રેટ ઘણા ઓછા લોકોને ખબર હશે.

નજર શરીરના બે ટૂકડા કરી નાખે છે જાદુગર

તમે ઘણીવાર મેજિક શોમાં એવું બનતા જોયું હશે કે જાદુગર એક ટેબલ મંગાવીને તેની આસિસ્ટન્ટને અહીં સુવડાવી દે છે અને પછી કરવત કે બ્લેડ દ્વારા તે આસિસ્ટન્ટના શરીરના બે ટૂકડા કરી નાખે છે. આટલું જ નહીં થોડી જ વારમાં તે શરીરના બંને ટૂકડાને જોડી નાખે છે. તેની આસિસ્ટન્ટ તરત જ ઊભી થઈને સ્ટેજ પર ચાલવા લાગે છે. સ્ટેજની સામે બેઠેલા સેંકડો દર્શકોની હાજરીમાં આવી ઘટના જોઈને તમે પણ વિચારમાં પડી જતા હશો કે આવું તો કઈ રીતે બની શકે.

શું હોય છે જાદુગરની ટ્રિક

ખરેખરમાં આ મેજિકમાં જાદુગર એક ખાસ ટ્રિકનો ઉપયોગ કરે છે. તમે ધ્યાનથી જોયું હશે તો જાદુગર જે ટેબલ મંગાવે છે તેમાં બંને બાજુ એક બોક્સ તમને જોવા મળશે. અહીંના એક બોક્સમાં પહેલાથી એક આસિસ્ટન્ટને રાખવમાં આવી હોય છે. જેનો માથાનો ભાગ બોક્સમાં અને પગ બહારની બાજુ હોય છે. બીજી બાજુના ટેબલમાં પહેલી આસિસ્ટન્ટને તમારી સામે રાખવામાં આવે છે, તેના પેટથી નીચેનો ભાગ બોક્સની અંદરની બાજુએ હોય છે.

આવી રીતે થાય છે શરીરના બે ભાગ

જ્યારે જાદુગર બ્લેડ કે કરવત દ્વારા શરીરને કાપીને બે ટૂકડા કરવાનો પ્રયાસ કરે છે, તે હકીકતમાં પહેલાથી અલગ હોય છે. બંને ટેબલની વચ્ચે થોડી જગ્યા રાખવામાં આવે છે અને સેફ્ટી માટે તેમાં લાકડું વચ્ચે હોય છે. આમ જાદુગર શરીરના બંને ભાગને અલગ કરીને તમારી સામે બતાવે છે. આ મેજિકને નજરે જોનારા વ્યક્તિને હંમેશા એવું જ લાગે છે કે તેની સામે જ જાદુગરે મહિલાને બે ટૂકડા કરી નાખ્યા. પરંતુ હકીકતમાં અહીં તેનું શરીર નીચે રહેલા બોક્સમાં રાખવામાં આવે છે.

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat https://ift.tt/2A5Qft4