એન્જિનિયરો માટે ગૂડ ન્યૂઝ, 2019માં નોકરીઓનો થશે વરસાદ

ઉદ્યોગોના ક્ષેત્રમાં 2019માં ભારે નોકરીઓની તક

આગામી વર્ષ 2019 એન્જિનિયર્સ માટે ખૂબ જ સારું સાબિત થશે, કારણકે ઉદ્યોગના તમામ ક્ષેત્રમાં વર્ષ 2019માં મોટાપ્રમાણમાં નોકરીઓ આવી રહી છે. હવે તમામ ક્ષેત્ર નોકરીઓની નવી ભરતીઓ માટે તૈયાર છે. મેન્યુફેક્ચરિંગ, બેન્કિંગ અને ફાઈનાન્સના ક્ષેત્રમાં વિદ્યાર્થીઓને ઘણી નોકરીઓ મળશે. ભારતમાં અનેક કંપનીઓ નવા વર્ષમાં ટેક્નોલોજી ટેલેન્ટને જોબ આપવા માટેની તૈયારીઓમાં વ્યસ્ત થઈ ગઈ છે.

અમારા ન્યૂઝ Whatsapp પર મેળવવા અહીં ક્લિક કરો

ટેક્નોલોજી નિષ્ણાત લોકો માટે નોકરીઓની સુવર્ણ તક

મહિન્દ્રા એન્ડ મહિન્દ્રામાં ગ્રૂપ હ્યુમન કેપિટલ એન્ડ લીડરશિપના વાઈસ પ્રેસિડેન્ટ પ્રિન્સ ઓગિસ્ટને જણાવ્યું કે M&M આર્ટિફિશિયલ ઈન્ટેલિજન્સમાં ટેક્નોલોજી વિશેષજ્ઞતા ધરાવતી પ્રતિભાઓને નિયુક્ત કરવા માટે સક્રિય છે. અમે આર્ટિફિશિયલ ઈન્ટેલિજન્સ અને નવી ટેક્નિકનો ઉપયોગ કરીશું અને અમે આ મુદ્દે ખૂબ જ ગંભીર છીએ. આ સિવાય એક્સિસ બેન્કના એચઆર હેડ રાજકમલ વેંપતિએ પણ બેન્ક દ્વારા ટેક્નોલોજીના ક્ષેત્રમાં નવી નોકરીઓની વાત કરી છે. તેમના મુજબ આવી નોકરીઓ 1.5થી 2 ગણી વધી જશે.

આ ક્ષેત્રોમાં નોકરીની ઉજ્જવળ તક રહેલી છે

ઉદ્યોગોના વિશેષજ્ઞોએ જણાવ્યું કે રોબોટિક્સ એન્ડ કોગ્નિટિવ ઓટોમેશન, બ્લોક ચેન, ડિસીઝન સાયન્સ, મશીન લર્નિંગ, નેચરલ લેન્ગવેજ પ્રોસેસિંગ, આર્ટિફિશિયલ ઈન્ટેલિજન્સ, ડિઝાઈન થિંકિંગ જેવા એડવાન્સ ટેક્નિક ક્ષેત્રોની નોકરીઓમાં ઉછાળો જોવા મળશે. હાલ દેશની ઘણીબધી એન્જિનિયરિંગ કોલેજોમાં નોકરીઓ માટેની ભરતીઓ શરૂ થઈ ગઈ છે. જેમાં આગામી વર્ષે વધારો થશે. જેમાં મેથેમેટિક્સ, , કોમ્પ્યુટર સાયન્સ અને સ્ટેટેસ્ટિક્સના વિદ્યાર્થીઓની ભરતી પર વિચાર કરવામાં આવશે.

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat https://ift.tt/2A3tXbt