ક્રિસમસ મુંબઈમાં સેલિબ્રેટ કરવાનો પ્લાન હોય તો આ જગ્યાએ જવાનું ન ચૂકતા

મુંબઈમાં ક્રિસમસની તૈયારીઃ

ક્રિસમસના તહેવાર આડે હવે ગણતરીના દિવસ બચ્યા છે. ચારેતરફ ક્રિસમસની ધૂમ છે. મોટાભાગના શહેરો રોશનીથી શણગારાયા છે. ગુજરાતમાંથી ઘણા લોકો ક્રિસમસ અને ન્યુ યર મુંબઈમાં સેલિબ્રેટ કરવાનું પસંદ કરે છે જેથી તે મન મૂકીને પાર્ટી કરી શકે.

અમારા ન્યુઝ WhatsApp પર મેળવવા અહીં ક્લિક કરો

મજેદાર પાર્ટીઃ

મુંબઈમાં ક્રિસમસ દરમિયાન ખૂબ જ મજેદાર પાર્ટીઝ યોજાય છે અને ત્યાંનુ સેલિબ્રેશન પણ જબરદસ્ત હોય છે. આ સમયે આખુ શહેર રંગબેરંગી લાઈટ્સથી સજાવવામાં આવે છે. મુંબઈમાં ક્રિસમસ પાર્ટી તમારા જીવનનો સૌથી રોમાંચક અનુભવ બની શકે છે. કદાચ આ એક્સિપિરિયન્સ તમે ક્યારેય ભૂલી નહિ શકો. જો તમે પણ મુંબઈ જવાના હોવ તો આ જગ્યાઓની અવશ્ય મુલાકાત લો.

ચર્ચ મિડનાઈટ માસઃ

ક્રિસમસ ઈવ સેલિબ્રેટ કરવા માટે ચર્ચમાં જવા કરતા સારો વિકલ્પ કંઈ હોય જ ન શકે. કેરલ્સ ગાતા ગાતા તમે ઈસુ ખ્રિસ્તનો જન્મદિવસ મનાવી શકો છો. મુંબઈના દરેક ચર્ચમાં ખૂબ ધામધૂમથી ક્રિસમસ ઉજવામાં આવે છે. ત્યાંના સૌથી ફેમસ ચર્ચ છે અફગાન ચર્ચ, હોલીનેમ કથીડ્રલ અને સેન્ટ માઈકલ ચર્ચ. બાંદ્રામાં માઉન્ટ મેરીઝ બેસિલિકા ચર્ચમાં ઘણા સેલેબ્સ પણ ક્રિસમસ ઈવના રોજ આવે છે.

રેસ્ટોરાંમાં ડિનરઃ

મુંબઈમાં ક્રિસમસ ઈવ પર ડિનર કરવા માટે ઘણા ઓપ્શન્સ છે. ઘણા હોટેલ, પબ કે રેસ્ટોરાંમાં ક્રિસમસના પ્રસંગે સ્પેશિયલ ડિશ બનાવવામાં આવે છે જે તમારે જરૂર ટ્રાય કરવી જોઈએ. આ રેસ્ટોરાંમાં ટ્રેડિશનલ ક્રિસમસ ડિશ જેમ કે ક્રિસમસ પાઈ, પુડિંગ, રોસ્ટ એન્ડ સ્ટફ્ડ કેક વગેરે ટ્રાય કરી શકો છો. અહીં સાંતાક્લોઝના ઈવેન્ટમાં પણ તમે ભાગ લઈ શકો છો.

ચાઈના હાઉસ, ગ્રાન્ડ હ્યાત

ટિપિકલ ચાઈનીઝ હોમ ક્રિસમસ પાર્ટી માટે આ જગ્યા પરફેક્ટ છે. ડાન્સ, મ્યુઝિક ઉપરાંત ચાઈનીઝ ફૂડ ટ્રાય કરી શકો છો. ક્રિસમસ કોકટેલ ઉપરાંત અહીં બીજુ એવુ ઘણુ બધઉ છે જે તમે એન્જોય કરી શકો છો. અહીં કપલ એન્ટ્રીની ફી 5000 રૂપિયા છે.

અલીબી કોલાબાઃ

અહીંની ક્રિસમસ પાર્ટી આખા મુંબઈમાં વખણાય છે. ત્યાં ફેમસ ડીજેના તાલ પર તમે નાચી શકો છો. અહીં ક્રિસમસ પાર્ટી સેલિબ્રેટ કરવી અલગ જ એક્સપિરિયન્સ હોઈ શકે છે. ક્રિસમસ પર અહીં જે ડેકોરેશન કરાય છે તે ખાસ્સુ ફેમસ છે.

ધ આઈરિશ હાઉસઃ

આ મેજિકલ ડેને તમે ફ્રેન્ડ્સ કે ફેમિલી સાથે અહીંના શાનદાર ફૂડ સાથે એન્જોય કરી શકો છો. તમે અહીં ફેવરિટ ડ્રિન્કની મજા લઈ શકો છો. અહીં ગેમિંગ એરિયા પણ છે. તમે બાળકો સાથે અહીં જશો તો બચ્ચાપાર્ટીને પણ મજા પડી જશે. કસ્ટમર્સ માટે ક્રિસમસ પર અહીં અનેક સરપ્રાઈઝ પણ હોય છે. જેમ કે ફ્રી ડ્રિન્ક્સ, વાઉચર્સ અને ગુડીઝ. અહીં મજેદાર ગેમ્સ અને ટાસ્ક પણ યોજવામાં આવે છે.

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat https://ift.tt/2S6hc6L