એક્ટ્રેસનો ખુલાસો, ‘અંગૂઠી સિવાયની તમામ નકલી જ્વેલેરી પહેરું છું!’

રાધિકા આપ્ટે પાસે જ્વેલેરીના નામે એક અંગૂઠી જ!

ફિલ્મોમાં પોતાના દમદાર અભિનયથી આગવી ઓળખ બનાવનારી રાધિકા આપ્ટેએ કહ્યું કે, તેની પાસે અસલી જ્વેલેરી નથી. જ્વેલેરીના નામે તેની પાસે માત્ર એક અંગૂઠી છે, જે તેણે પોતે ખરીદી હતી. રાધિકાએ કહ્યું કે, ‘મારી માએ મારા માટે એક મંગળસૂત્ર ખરીદ્યું હતું પણ મને ખબર નથી કે, તે ક્યાં છે.’

‘એવા પ્રોફેશનમાં છું જ્યાં બધી જ્વેલેરી પહેરવા મળે છે’

મીડિયા સાથે વાત કરતા રાધિકાએ આગળ જણાવ્યું કે, ‘હું એક એવા પ્રૉફેશનમાં છું જ્યાં મને દરેક પ્રકારની જ્વેલેરી પહેરવાની તક મળે છે. આ રીતે હું ખુબ નસીબદાર છું.’

‘ધીમે-ધીમે જ્વેલેરીમાં ઈન્વેસ્ટ કરીશ’

રાધિકાએ આગળ જણાવ્યું કે, ‘હું રોજ ડ્રેસ-અપ થાઉં છું અને મારી પાસે એવા અદભુત અને પ્રેરક લોકો છે જેમની વાર્તાઓ હું સાંભળું છું. મારી અંદર જ્વેલેરી અંગેની સમજણ વધી રહી છે. એટલે હું જ્વેલેરી વિશે જાણતી થઈશ, તેટલું તેમાં રોકાણ કરવાનું વિચારીશ.’

સતત બે ફિલ્મોમાં રહી હિટ

ફિલ્મોની વાત કરીએ તો રાધિકાની તાજેતરમાં રિલીઝ થયેલી બે ફિલ્મો સફળ રહી છે. તે શ્રીરામ રાઘવનની ક્રાઈમ થ્રિલર ‘અંધાધુન’માં આયુષ્માન ખુરાના સાથે જોવા હતી જ્યારે સૈફ અલી ખાનની ‘બાજાર’માં તેણે રોહન મેહરા સાથે રોમાન્સ કર્યો હતો.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/2KNyeUD