નવા ઈલેક્ટ્રિક સ્કૂટર્સ પરથી ઉઠ્યો પડદો, જાણો ખૂબીઓ

અવાન મોટર્સે રજૂ કર્યા નવા ઈ-સ્કૂટર્સ

નવી દિલ્હી: દેશની ઈલેક્ટ્રિક ટૂ-વ્હીલર મેન્યુફેક્ચર કરતી કંપની Avan Motorsએ નવી દિલ્હીના પ્રગતિ મેદાનમાં આયોજિત 2018 ઈલેક્ટ્રિક વ્હીકલ એક્સ્પોમાં કેટલાક નવા ઈ-સ્કૂટર્સ રજૂ કર્યા. કંપનીની યોજના પોતાના ટૂ-વ્હીલર લાઈનઅપને વધારવાની છે. આવનારા વર્ષમાં અવાન મોટર્સ છ નવા મોડલ્સ લોન્ચ કરશે. હાલ કંપનીના બે મોડલ્સ Xero અને Xero plus માર્કેટમાં ઉપલબ્ધ છે.

અમારા ન્યૂઝ WhatsApp પર મેળવવા અહીં ક્લિક કરો

આવા હશે નવા ઈ-સ્કૂટર્સ

કંપનીના નવા ઈ-સ્કૂટર્સ વિશે હજુ વધુ જાણકારી બહાર નથી આવી. જોકે, અવાનએ કહ્યું છે કે, તેના પર રાઈડ કરવી સરળ હશે, એરોડાયનામિક ડિઝાઈન હશે અને તેમાં મોટી બેટરી આપવામાં આવશે. કંપનીએ નવા મોડલ્સની ટોપ સ્પીડ 45 કિલોમીટર પ્રતિ કલાક હોવાનો દાવો કર્યો છે.

કેવી હશે બેટરી?

કંપનીએ જણાવ્યું છે કે, મોડલ્સના આધાર પર તેમાં 60V/26Ah કે 72V/32Ahવાળી લિથિયમ-અયાન બેટરી આપવામાં આવશે. અવાનના નવા ઈ-સ્કૂટર્સ 1,000W કે, 1,2000W મોટર સાથે આવશે. કંપનીનો દાવો છે કે, આ મોટર્સ ઈ-સ્કૂટર્સને ઝડપી અને વધુ સારા બનાવશે.

કેટલી હશે કિંમત?

અવાન મોટર્સ પોતાના ઈ-સ્કૂટર્સની કિંમત ઓછી કરવા માટે લોકલાઈઝેશનને વધારવા અને ઈમ્પોર્ટ થનારા કમ્પોનેન્ટ્સને 20 ટકા પર મર્યાદિત કરવા પર કામ કરી રહી છે. હાલ કંપનીના ઈ-સ્કૂટર્સની શરૂઆતની કિંમત 55,000 રૂપિયા છે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2Q3TlTu