Suzuki Hayabusa 2019નું નવું મોડલ ભારતમાં લૉન્ચ, આવો ધાંસૂ છે લુક

Suzuki Hayabusaનું નવું મોડલ લૉન્ચ

સુઝુકી મોટરસાયકલ ઈન્ડિયા લિમિટેડે સ્પોર્ટ્સ બાઈક Suzuki Hayabusaનું નવું મોડલ ગુરુવારે ભારતમાં લૉન્ચ કર્યું હતું. Suzuki Hayabusa 2019ના નવા મોડલની કિંમત 13.74 લાખ રૂપિયાની આસપાસ રાખવામાં આવી છે. જ્યારે ઓનરોડ કિંમત 14 લાખ રૂપિયાની આસપાસ હોઈ શકે છે. કંપનીએ આ બાઈક બે કલર સાથે લૉન્ચ કરી છે. જેમાં મેટાલિક ગ્રે અને ગ્લાસ સ્પાર્કલનો સમાવેશ થાય છે.

અમારા ન્યૂઝ WhatsApp પર મેળવવા માટે અહીં ક્લિક કરો

આવા છે ફીચર્સ

સુઝુકી મોટરસાયકલ્સ ઈન્ડિયાના મેનેજિંગ ડાયરેક્ટર સંતોષ ઉચિડાએ કહ્યું હતું કે, છેલ્લા 20 વર્ષથી Suzuki Hayabusa પર લોકોએ સૌથી વધુ પસંદગી ઊતારી છે. આ એક સ્પોર્ટ્સ બાઈક છે. ખાસ કરીને ભારતીય યુવાઓ તેને પસંદ કરી રહ્યા છે. નવી Suzuki Hayabusaમાં અપડેટેડ ગ્રાફિક્સ અને બે સાઈડ રિફ્લેક્ટર્સ આપવામાં આવ્યા છે. આ સાથે 1340CC, ઈન લાઈન, 5 સિલિન્ડર એન્જિન આપવામાં આવ્યું છે. આ એન્જિન 9500 rpm પર 197bhpનો પાવર અને 7200 rpm પર 155Nmનો પીકટોર્ક જનરેટ કરે છે.

માત્ર 2.74 સેકન્ડમાં 0થી 100 કિમી/કલાકની સ્પીડ

કંપનીએ દાવો કર્યો છે કે, આ નવી બાઈક માત્ર 2.74 સેકન્ડમાં 0થી 100 કિમી/કલાકની સ્પીડથી દોડી શકે છે. જેની ટોપ સ્પીડ 200 કિમી/કલાક છે. ભારતીય મોટરસાયલ માર્કેટમાં ધીમે ધીમે મોટું થઈ રહ્યું છે. જેમાં 200થી 400 સીસીના સેગમેન્ટની બાઈક્સની માગ વધી રહી છે. જેને ધ્યાને લઈને કંપનીઓ પણ શાનદાર બાઈકસ લૉન્ચ કરી રહી છે. હીરો મોટોકોર્પ આગામી વર્ષે બે નવી બાઈક્સ માર્કેટમાં લાવી રહી છે. આ બંને બાઈક્સમાં 198cc, સિંગલ સિલિન્ડર, 2 વોલ્વો એન્જિન આપવામાં આવ્યા છે.

આવી રહી છે ઈમ્પિરિયલ 400

ભારતમાં ફરી એક વખત વર્ષ 2019માં એમ્પિરિયલ 400 બાઈક લૉન્ચ થવાની છે. વર્ષ 2017માં EICMA મોટરસાયકલના શોમાં રજૂ કરવામાં આવી હતી. જેમાં 373.5ccનું સિંગલ સિલિન્ડર, ફ્યુલ ઈન્જેક્ટેડ એન્જિન હશે. જેની કિંમત આશરે બે લાખ રૂપિયા હોવાનું અનુમાન છે. આ ઉપરાંત કાવાસાકીની નવી બાઈક નિન્જા 400નું નવું વર્ઝન માર્કેટમાં આવી રહ્યું છે. જે એક સ્પોર્ટ્સ બાઈક હશે.

 

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2VfxZWT