ગોવા જાવ ત્યારે ભૂલ્યા વગર આ સાઈટની મુલાકાત લેજો, ટુર યાદગાર બની જશે

ગોવાની આ વાત ભાગ્યે જ કોઈ જાણતું હશે

ગોવાના બીચ, વોટર સ્પોર્ટ્સ અને ડાન્સબાર વિશે તો અનેક વખત સાંભળ્યું હશે. આ સિવાય પણ ગોવાની નજીકમાં આવેલા આઈલેન્ડની પણ સમયાંતરે અપડેટ્સ મળી રહે છે. ભારત એક સમયે પોતાના મરી મસાલાના કેન્દ્ર તરીકે જાણીતું હતું. ભારતના મરી-મસાલા દેશ-વિદેશમાં નિકાસ થતા હતા. મસાલાની સુંગધ, તેના પાન અને ઉત્પાદનોનો વ્યાપક વેપાર થયેલો છે. પણ આ તમામ પ્રકારના મરી મસાલાની ખેતિ ગોવામાં થાય છે એવું ભાગ્યે જ કોઈ જાણતું હશે.

અમારા ન્યૂઝ WhatsApp પર મેળવવા માટે અહીં ક્લિક કરો

50થી વધારે મસાલાની થાય છે ખેતિ

ગોવાની આ સાઈટ પર આવશો તો નાક કેટલું સેન્સેટિવ છે તેની કસોટી થશે. ગોવાને દક્ષિણ ભારતનું મસાલાનું કેન્દ્ર માનવામાં આવે છે. કારણ કે ગોવાનું વાતાવરણ ચોક્કસ પ્રકારના મસાલાના પાક માટે એકદમ બેસ્ટ છે. અહીંની પ્રદુષણમુક્ત હવા અને લીલીછમ સૃષ્ટિ મનમોહી લેશે ઉપરાંત, પ્રવાસમાં મસાલાની સુગંધ ઉમેરી દેશે. મસાલા સાઈટમાં પાસકોલ વિલેજની મુલાકાત લેવા જેવી છે. પોંડાથી 7 કિમી દૂર આવેલું છે પાસકોલ સ્પાઈસ ફાર્મ. અહીં પણ નજીકમાં બીચ છે અને વોટરસ્પોર્ટ્સ માટેની સુવિધા છે. ખાસ વાત એ છે કે, અહીં ફાર્મની વચ્ચે રેસ્ટોરાં તૈયાર કરવામાં આવી છે. અહીંની નીરવ શાંતિ અને મસાલાની સુગંધ દિમાંગને શાંત કરી દેશે. આ ઉપરાંત કાજુ, ફળફળાદી અને મસાલાની વાડી જોવા મળશે.

ટ્રોપિકલ પ્લાન્ટેશન

આ સાઈટમાં મોટ પ્રમાણમાં કોફીની ખેતી થાય છે. દેશની દુલર્ભ કહી શકાતી જગ્યાઓ પૈકી આ એક જગ્યા છે. અહીં વિદેશી પંખીઓ પણ જોવા મળશે. ગોવાનો રેકોર્ડ છે કે, આ વિસ્તારમાંથી 75 જેટલી વિદેશી પંખીઓની પ્રજાતિ જોવા મળે છે. કેરી ગામમાં આવેલી આ જગ્યા સૌથી પ્રચલિત ફાર્મ પૈકી એક છે. અહીં જંગલમાં હાથીની સવારી કરીને વિશાળ જંગલનો આનંદ પણ માણી શકાશે.

સવોઈ પ્લાન્ટ

છેલ્લી બે સદીથી આ પ્લાન્ટ મસાલા અને ફળફળાદીનો વેપાર કરે છે. મસાલા ઉપરાંત, કેળા, જીરુ, કરી, કેરી, આંમળા અને પપૈયાની મોટી સંખ્યામાં નિકાસ કરે છે. અહીંની ખાસ વાત છે કે, સવોઈ પ્લાન્ટમાંથી જાણી શકાય કે, ઈકો ફ્રેન્ડલી મટિરિયલની મદદથી કેવી રીતે વસ્તુઓ પેકિંગ કરવામાં આવે છે.

સહકારી ફાર્મ

આ ફાર્મમાંથી ભારતમાં પાકતા અનેક પ્રકારના મરી-મસાલાની જાણકારી મળશે. જેમાં મસાલાનાં છોડથી માંડીને તેના કુદરતી તાપમાન સુધીની માહિતી મળશે. હવે ગોવા જાવ ત્યારે આ સાઈટની મુલાકાત લેવાનું ભૂલતા નહીં

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat https://ift.tt/2QxvkZa