મહિલા મસાજર સામે નગ્ન થવાનો મામલો: ક્રિસ ગેઈલ માનહાનિનો કેસ જીત્યો

2015ના વર્લ્ડ કપની ઘટના

સિડની: ક્રિકેટર ક્રિસ ગેઈલને માનહાનિના એક કેસમાં કોર્ટે ત્રણ લાખ ઓસ્ટ્રેલિયન ડોલર (રુ. 1.55 કરોડ) વળતર ચૂકવવાનો આદેશ કર્યો છે. ગેઈલે 2015ના વર્લ્ડ કપ દરમિયાન થયેલી એક કથિત ઘટના પર ફેરફેક્સ મીડિયા પર આ કેસ કર્યો હતો, જેમાં સોમવારે કોર્ટે તેની તરફેણમાં ચુકાદો આપ્યો હતો.

મહિલા મસાજર સામે નગ્ન થવાનો આક્ષેપ

ન્યુ સાઉથ વેલ્સ સુપ્રીમ કોર્ટના જસ્ટિસ લ્યુસી મેક્કુલમે ગેઈલની તરફેણમાં ચુકાદો આપ્યો હતો. જાન્યુઆરી 2016ના રોજ ઓસ્ટ્રેલિયન અખબારમાં એક આર્ટિકલ પ્રસિદ્ધ થયો હતો, જેમાં દાવો કરવામાં આવ્યો હતો કે, ક્રિસ ગેઈલે લીના રસેલ નામની એક મહિલા મસાજર સામે નગ્ન થઈ ગયો હતો.

આર્ટિકલ ખોટો હોવાનું પુરવાર થયું

આ અહેવાલથી પોતાની બદનક્ષી થઈ હોવાનો ગેઈલે કોર્ટમાં કેસ કર્યો હતો. કોર્ટે આ મામલે ચાર સભ્યોનું એક તપાસ પંચ નિમ્યું હતું, જેમાં ગેઈલ વિશે પ્રસિદ્ધ કરાયેલો આર્ટિકલ ખોટો હોવાનું પુરવાર થયું હતું. ગેઈલ પર આ આરોપ મૂકનાર ફેરફેક્સ મીડિયા તેને લગતા કોઈ પુરાવા રજૂ ન કરી શકતા કોર્ટે ગેઈલની તરફેણમાં ચુકાદો આપ્યો હતો.

અહેવાલે મચાવી હતી ચકચાર

મહત્વનું છે કે, 2015ના વર્લ્ડ કપ દરમિયાન ક્રિસ ગેઈલે મહિલા મસાજ થેરાપિસ્ટ સમક્ષ અણછાજતી હરકત કરી હોવાના અહેવાલે ખાસ્સી ચકચાર મચાવી હતી. જોકે, ગેઈલે આ આક્ષેપોને ફગાવી દઈને માનહાનિનો કેસ કર્યો હતો. ગેઈલે દાવો કર્યો હતો કે, બદઈરાદા સાથે તેની વિરુદ્ધ આવા સમાચાચ પ્રસિદ્ધ કરાયા છે.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat https://ift.tt/2Q8oUAs