મોઘવારી પર ફ્રાંસમાં ‘ગૃહયુદ્ધ’, કટોકટીની તૈયારી?

કટોકટી જાહેર કરવા પર વિચારણા

પેરિસઃ ફ્રાંસમાં છેલ્લા કેટલાક દિવસોથી દાયકાની સૌથી આશાંતિ પ્રવર્તી રહી છે. સ્થિતિ ત્યાં સુધી વણસી ગઈ છે કે, શનિવારે કેટલાક તોફાની ટોળાઓએ સેન્ટ્રલ પેરિસમાં આવીને કેટલાક વાહનો અને ઈમારતોને આંગચંપી કરી દીધી હતી. એવામાં ફ્રાંસ સરકાર દેશમાં કટોકટી જાહેર કરવા અંગે વિચારણા કરી રહી છે. આ જાણકારી સરકારના પ્રવક્તા બેન્જામીન ગીવોક્સે આપી હતી.

અમારા ન્યૂઝ WhatsApp પર મેળવવા માટે અહીં ક્લિક કરો

પેટ્રોલ-ડીઝલના ભાવ વધતા શરૂ થયા તોફાન

પેરિસમાં મોઘવારી વધવાને કારણે ત્યાંની પ્રજાએ સરકારનો વિરોધ કર્યો હતો. ઉગ્ર વિરોધ વચ્ચે સમગ્ર પેરિસમાં તોફાન ફાટી નીકળ્યા હતા. છેલ્લા બે અઠવાડિયાથી પેટ્રોલ-ડીઝલના વધતા ભાવ અંગે વિરોધ પ્રદર્શન કરવામાં આવી રહ્યું છે. જેને યલો વેસ્ટ નામ આપવામાં આવ્યું છે. વિરોધ કરનારાઓ પીળા રંગનો ડ્રેસ પહેરીને સરકારનો વિરોધ કરી રહ્યા છે. શનિવારે આ વિરોધ ઉગ્ર બનતા તોફાની ટોળાઓએ પેરિની કેટલીક ઈમારતો અને વાહનોને આગચંપી કરી દીધી હતી.

પોલીસ વાહનોને પણ નિશાન બનાવાયા

પેરિસ પોલીસે આપેલી માહિતી અનુસાર એક વીડિયોમાં પ્રદર્શનકર્તા પોલીસના વાહનોને પણ નિશાન બનાવી રહ્યા છે. વાહનોના કાંચ તોડવામાં આવી રહ્યા છે. બીજા એક વીડિયોમાં પોલીસ પ્રદર્શનકર્તાઓ પર પાણીનો મારો ચલાવી રહી છે તો કેટલાક વિસ્તારમાં ટીયરગેસના સેલ છોડી રહી છે. આ વિરોધ પ્રદર્શનમાં અત્યાર સુધીમાં કુલ 288 લોકોની ધરપકડ કરવામાં આવી છે. જ્યારે 100 જેટલા લોકો ઈજાગ્રસ્ત થયા છે. પોલીસના એક ઉચ્ચ અધિકારીએ જણાવ્યું કે, પેટ્રોલ-ડીઝલના ભાવમાં થતા વધારા અને હાઈડ્રોકાર્બન ટેક્સમાં વધારો થતા લોકો રસ્તા પર ઊતરી આવ્યા હતા. જેમાં પોલીસ અને પ્રજા વચ્ચે ઘર્ષણ થયું હતું.

રવિવારે લેવાશે નિર્ણય

પેરિસમાં વસ્તુઓ પર વધેલા ટેક્સને કારણે લોકોએ વિરોધ કર્યો હતો. પેરિરસની કેટલીક મુખ્ય જગ્યાઓ જેવી કે, આર્ક સેન્ટર પર લોકોએ કાટમાળને આગ લગાવી દીઘી હતી. જેને પગલે ફાયર સ્ટાફ અને પોલીસ સ્થિતિને કાબુમાં કરી હતી.

ઉચ્ચ બેઠકનું તાત્કાલિક આયોજન

જોકે, શનિવારે સ્થિતિ વધુ વણસતા ફ્રાંસના રાષ્ટ્રપતિ એમ્યુનેલ મેક્રોને રવિવારે તાત્કાલિક ઉકેલ લાવવા બેઠકનું એલાન કર્યું છે. જેમાં ઉચ્ચ અધિકારીઓ સહિત દેશના વડા પ્રધાન પણ હાજરી આપશે. પ્રદર્શનકર્તાઓ સાથે પણ વાતચીત કરીને તેનું સમાધાન કરવામાં આવશે. સમસ્યાએ છે કે, ટોળાનો કોઈ ચહેરો નથી હોતો એટેલ શું નિર્ણય લઈ શકાય એ માટે વિચારણા કરવામાં આવશે

કટોકટી એક વિકલ્પ છે.

કટોકટી અંગે સરકારના પ્રવક્તાએ કહ્યું કે, સરકાર પાસે આ પણ એક વિકલ્પ છે. ફ્રાંસના ગૃહમંત્રાલયના જણાવ્યા અનુસાર શનિવારે સતત ત્રીજા તબક્કાનું વિરોધ પ્રદર્શન થયું હતું. જેમાં 36,500 લોકોએ ભાગ લીધો હતો. આ પહેલા કુલ 53,000 લોકો આ વિરોધમાં જોડાયા હતા. ફ્રાંસના ગૃહમંત્રી ક્રિસ્ટોફ કેસ્ટનરે કહ્યું કે, કેટલાક લોકો શાંતિથી મુદ્દાસર વિરોધ કરી રહ્યા છે.

from Page Array – I Am Gujarat https://ift.tt/2FRlyNG