જુઓ, કપિલ-ગિન્નીના શાનદાર લગ્નની આ તસવીરો

ગિન્ની સાથે લગ્નના તાંતણે બંધાયો કપિલ શર્મા

જાણીતા કૉમેડિયન કપિલ શર્માએ ચતરાથ સાથે જલંધર નજીકના ફાગવાડામાં 12 ડિસેમ્બરના રોજ લગ્ન કરી લીધા છે. હવે કપિલે પોતાની અને પત્ની સાથેની તસવીરો ઈન્સ્ટાગ્રામ પર શેર કરી છે જેમાં કપિલ ગ્રીન શેરવાની પહેરી હાથમાં તલવાર સાથે દેખાઈ રહ્યો છે જ્યારે ગિન્ની ટ્રે઼ડિશનલ લહેંઘા-ચોલીમાં દેખાઈ રહી છે. અગાઉ કપિલ શર્માના પ્રી-વેડિંગ યોજાયું હતું જેમાં તેના ઈન્ડસ્ટ્રીના કલિગ ક્રિષ્ના અભિષેક, ભારત સિંહ, સુમોના ચક્રવર્તી, સુદેશ લેહરી અને ઘણા અન્ય લોકોએ હાજરી આપી હતી. ગિન્નીના જલંધર સ્થિત ઘરે અખંડ પાઠ અને બેંગલ સેરેમની યોજાઈ હતી. કપિલ પોતાના વેડિંગ ઈન્વિટેશનને પણ સોશિયલ મીડિયા પર શેર કર્યું હતું જેમાં તેણે લખ્યું હતું, ‘તમારા આશિર્વાદની જરૂર છે. મનમાં ખૂબ જ ઉમંગ અને માતા-પિતાના આશિર્વાદથી એ કહેતા ઘણી ખુશી થાય છે કે, 12 ડિસેમ્બર 2018ના રોજ હું અને ગિન્ની અમારી નવી સફરની શરૂઆત કરવા જઈ રહ્યાં છીએ.’ લગ્ન બાદ હવે કપિલ અને ગિન્ની 14 ડિસેમ્બરે અમૃતસર તથા 24 ડિસેમ્બરે મુંબઈમાં રિસેપ્શન પાર્ટી યોજશે.