વોટ્સએપથી થશે રુપિયાની લેવડદેવડ, RBI પાસે માગી અનુમતિ

પેમેન્ટ સર્વિસ આપશે વોટ્સએપ

વોટ્સએપ ભારતમાં રહેલા પોતાના 20 કરોડ યૂઝર્સને પેમેન્ટ સર્વિસ આપવા ઈચ્છે છે અને તેના માટે વોટ્સએપ ચીફે રિઝર્વ બેંક ઓફ ઈન્ડિયા (RBI) પાસેથી અનુમતિ માંગી છે. પ્લેટફોર્મ પર ફેક ન્યૂઝ ફેલાવવા મામલે સરકાર પાસેથી ફટકાર મેળવી ચૂકેલી કંપની પૂર્ણ રીતે પેમેન્ટ સર્વિસ શરૂ કરવા માટે રેગ્યુલેટરી ક્લિયરન્સની રાહ જોઈ રહી છે.

ટેસ્ટ કરી રહ્યું છે ફીચર

નવી દિલ્હીઃ વોટ્સએપ મહિનાથી આશરે દસ લાખ યુઝર્સને આ ફીચર ટેસ્ટ કરી રહ્યું છે. પેમેન્ટ સર્વિસ પર આશરે બે વર્ષ પહેલા સરકાર સાથે વાતચીત શરુ કરી હતી. પ્રતિદ્વંદ્વી ગૂગલે ભારતમાં પહેલા જ પેમેન્ટ સર્વિસની શરુઆત કરી હતી. હવે વોટ્સએપના ચીફ ક્રિસ ડેનિયલ્સે RBIને લેટર લખીને ઔપચારિક મંજૂરી માગી છે.

અમારા ન્યૂઝ Whatsapp પર મેળવવા અહીં ક્લિક કરો

માગી RBIની મંજૂરી

RBIને લખેલા લેટરમાં ક્રિસે કહ્યું છે કે,’હું વોટ્સએપ પર ભીમ-યુપીઆઈ દ્વારા પેમેન્ટ ટ્રાંન્જેક્શન સર્વિસ ભારતમાં દરેક યુઝર્સ સુધી પહોંચાડવા માટે તમને તરત જ મંજૂરીની અપીલ કરું છું. અમે ઉપયોગી અને સુરક્ષિત સર્વિસ માટે ડિજિટલ સશક્તિકરણ દ્વારા જીવનને સરળ બનાવવાની તક આપો. ‘

ઔપચારીક મંજૂરીની જોવાઈ રહી છે રાહ

પાંચ નવેમ્બરના રોજ લખેલા લેટરમાં કહેવામાં આવ્યું છે કે વોટ્સએપે પાર્ટનર બેંકોને પણ ઔપચારીક મંજૂરી માટે અપીલ કરી છે. વોટ્સએપના પ્રવક્તાએ કહ્યું કે પ્લેટફોર્મ ભારત સરકાર, નેશનલ પેમેન્ટ કોર્પોરેશન ઓફ ઈન્ડિયા (NPCI) અને બેંકોની સાથે મળીને કામ કરી રહ્યું છે.

બજારમાં અનેક ખેલાડીઓ

ભારતમાં ઓનલાઈન પેમેન્ટ અને ઈ વોલેટ સેગમેન્ટમાં અનેક કંપનીઓ પહેલાથી જ પગદંડો જમાવી ચૂકી છે. પેટીએમ ઉપરાંત ગૂગલ પે, ફોનપેએ પણ મોટી સંખ્યામાં યૂઝર્સ બનાવ્યાં છે.

from Page Array – I Am Gujarat https://ift.tt/2Q5eOjQ