એરટેલ : હવે ઈનકમિંગ કૉલ માટે કરાવવું પડશે રિચાર્જ

હવે ફ્રીમાં નહીં મળે ઈનકમિંગ કૉલની સુવિધા…

રિલાયન્સ જિયોના આવ્યા બાદ ટેલિકૉમ કંપનીઓને પોતાના ARPU (એવરેજ રેવેન્યૂ પર યૂઝર)માં નુકસાન થઈ રહ્યું હતું. કારણ એ હતું કે, ગ્રાહકો જિયો સિવાયના પોતાના બીજા નંબર પર રિચાર્જ નહોતા કરાવતા અને તેનો ઉપયોગ માત્ર ઈનકમિંગ કૉલ માટે કરતા હતા. કંપનીઓએ આમાંથી ઉબરવા માટે છેલ્લા કેટલાક મહિનામાં મિનિમમ રિચાર્જ પ્લાન્સ રજૂ કર્યા છે. હવે ગ્રાહકોએ દર મહિને પોતાની પસંદગીથી કોઈ એક નક્કી રકમવાળું રિચાર્જ કરાવવાનું રહેશે.

અમારા ન્યૂઝ WhatsApp પર મેળવવા માટે અહીં ક્લિક કરો

બંધ થઈ જશે ઈનકમિંગ કૉલની સુવિધા

આવું ન કરવા પર ગ્રાહકને મળનારી ફ્રી ઈનકમિંગ કૉલની સુવિધા બંધ થઈ શકે છે. કંપનીઓ પોતાના આવા યૂઝર્સને મિનિમમ રિચાર્જ કરાવવા માટે મેસેજ મોકલી રહી છે. પહેલા Airtel અને વોડાફોન-આઈડિયાએ 32 રૂપિયા, 65 રૂપિયા અને 95 રૂપિયાના રિચાર્જ રજૂ કર્યા હતા. હવે એરટેલે પોતાના ગ્રાહકો માટે 23 રૂપિયાનો મિનિમમ રિચાર્જ પ્લાન રજૂ કર્યો છે. એરટેલ આને સ્માર્ટ રીચાર્જ કહી રહી છે.

એરટેલે રજૂ કર્યું 23 રૂપિયાવાળું પેક

ગ્રાહકો આ વિશે એરટેલ સાઈટ પર સ્માર્ટ રિચાર્જ વિકલ્પ સેક્શનમાંથી જાણકારી મેળવી શકે છે. 23 રૂપિયાવાળા પ્લાનમાં ગ્રાહકોની 28 દિવસની હોય છે. આમાં લોકલ અને STD કૉલિંગ માટે 2.5 પૈસા/સેકન્ડ ચાર્જ આપવાનો રહેશે. લોકલ SMS માટે 1 રૂપિયો અને નેશનલ SMS માટે 1.5 રૂપિયો ચાર્જ લાગે છે. આ ઉપરાંત પ્લાનમાં ડેટા જેવી કોઈપણ સુવિધા મળતી નથી.

25થી માંડીને 245 રૂપિયા સુધીના પ્લાન

જણાવી દઈએ કે, એરટેલના સ્માર્ટ રિચાર્જ પેક્સમાં 25 રૂપિયાથી માંડીને 245 રૂપિયા સુધીના રિચાર્જ પેક્સ શામેલ છે. 25 રૂપિયામાં ગ્રાહકને 18.69 રૂપિયા ટૉકટાઈમ મળે છે. આ ઉપરાંત આ પેકમાં ગ્રાહકને 28 દિવસ માટે 10 MB ડેટા મળે છે. 35 રૂપિયાવાળા પ્લાનમાં 26.60 રૂપિયા બેલેન્સ મળે છે. આમાં, કૉલિંગ માટે 1 પૈસા/સેકન્ડ ચાર્જ લાગે છે. 28 દિવસની વેલિડિટી સાથેના પ્લાનમાં 100 MB ડેટા મળે છે.

65 અને 95 વાળા પેક

સ્માર્ટ રિચાર્જ પેક્સ અંતર્ગત એરટેલના 65 અને 95 રૂપિયાના રિચાર્જ પણ આવે છે. 65 રૂપિયાવાળા પ્લાનમાં ગ્રાહકોને 55 રૂપિયાનો ટૉકટાઈમ અને 200MB ડેટા મળે છે. બીજી તરફ 95 રૂપિયાવાળા પ્લાનમાં ગ્રાહકોને ફુલ ટૉકટાઈમ અને 500MB ડેટા મળે છે. 65 રૂપિયા પ્લાનમાં કૉલિંગ માટે 1 પૈસા પ્રતિ સેકન્ડનો ચાર્જ લાગે છે જ્યારે 95 રૂપિયાવાળા પ્લાનમાં કૉલિંગ રેટ ઘટીને 30 પૈસા પ્રતિ મિનિટ થઈ જાય છે.

145 અને 245 વાળા પેકમાં મળશે આટલું

આ ઉપરાંત કંપનીએ પોતાના સ્માર્ટ રિચાર્જ પેક્સમાં 145 અને 245 રૂપિયાના રિચાર્જ પણ શામેલ કર્યા છે. 145 રૂપિયાના રિચાર્જમાં ગ્રાહકોને ફુલ ટૉકટાઈમની સાથે 1 GB ડેટા પણ મળે છે. કૉલિંગ માટે આ પ્લાનમાં 30 પૈસા પ્રતિ મિનિટનો ચાર્જ લાગે છે. આ પેકની વેલિડિટી 42 દિવસની છે. 245 રૂપિયાવાળા પ્લાનની વાત કરીએ તો આ પ્લાનમાં ગ્રાહકોને ફુલ ટૉકટાઈમની સાથે 2 GB ડેટા મળે છે અને આ પ્લાનમાં 30 પૈસા પ્રતિ મિનિટનો કૉલિંગનો ચાર્જ લાગે છે. આ પેકની વેલિડિટી 84 દિવસની છે.

from Page Array – I Am Gujarat https://ift.tt/2RqET9y