સેમસંગે બજેટ સ્માર્ટફોનની કિંમત ઘટાડી
વર્ષનો અંતિમ મહિનો શરૂ થઈ ગયો છે અને કંપનીઓએ જૂના હેન્ડસેટની કિંમતમાં ઘટાડો કરવાનું શરૂ કરી દીધું છે. વીવો બાદ દક્ષિણ કોરિયાની કંપની સેમસંગે બજેટ હેન્ડસેટની કિંમતમાં ઘટાડો કર્યો છે. સેમસંગ ગેલેક્સી J8 અને ગેલેક્સી J6+ના ભાવમાં ઘટાડો કર્યો છે.
અમારા ન્યૂઝ WhatsApp પર મેળવવા અહીં ક્લિક કરો
ગેલેક્સી J8, ગેલેક્સી J6+ની નવી કિંમતો
જણાવી દઈએ કે, સેમસંગ ગેલેક્સી J8 ભારતમાં 18,990 રૂપિયામાં લોન્ચ કરવામાં આવ્યો હતો અને ઈન્ફિનિટી ડિસ્પ્લે ડિઝાઈનવાળો કંપનીનો આ પહેલો બજેટ હેન્ડસેટ હતો. હવે ગેલેક્સી J8ની કિંમતમાં 3,000 રૂપિયાનો ઘટાડો કરવામાં આવ્યો છે. આ ફોન હવે 15,990 રૂપિયામાં વેચાઈ રહ્યો છે. સેમસંગ ગેલેક્સી J6+ ફોન 15,990 રૂપિયામાં લોન્ચ કરવામાં આવ્યો હતો અને 1000 રૂપિયા કિંમત ઘટાડવામાં આવી છે. મતલબ આ ફોન હવે 14,990 રૂપિયામાં મળશે.
ગેલેક્સી J8ના સ્પેસિફિકેશન્સ
ગેલેક્સી J8માં 6 ઈંચ HD+ સુપર એમોલેડ ડિસ્પ્લે છે. 4 જીબી રેમ અને 64 જીબી ઈનબિલ્ટ સ્ટોરેજ આપવામાં આવ્યું છે. માઈક્રોએસડી કાર્ડ દ્વારા સ્ટોરેજ 256 જીબી સુધી વધારી શકાય છે. ફોનમાં ઓક્ટા-કોર ક્વાલકોમ સ્નેપડ્રેગન 450 પ્રોસેસર છે અને એન્ડ્રોઈડ 8.0 ઓરિયો પર કામ કરે છે. ગેલેક્સી J8માં ડ્યૂલ રિયર કેમેરા સેટઅપ છે. ફોનમાં LED ફ્લેશ અને અર્પચર F/1.7 સાથે 16 મેગાપિક્સલ પ્રાઈમરી અને 5 મેગાપિક્સલ સેકંડરી સેન્સર આપવામાં આવ્યું છે. ડિવાઈસમાં સેલ્ફી લેવા માટે LED ફ્લેશ લાઈટ સાથે 16 મેગાપિક્સલ ફ્રંટ કેમેરા છે. 3500mAhની બેટરી આપવામાં આવી છે.
ગેલેક્સી J6+ના સ્પેસિફિકેશન્સ
સેમસંગ ગેલેક્સી J6+ની વાત કરીએ તો આ ફોનમાં 6 ઈંચ HD+ ઈન્ફિનિટી ડિસ્પ્લે છે. ડિવાઈસમાં 1.4 ગીગાહર્ટ્ઝ ક્વાડ-કોર ક્વાલકોમ સ્નેપડ્રેગન 425 પ્રોસેસર અને 4 જીબી રેમ છે. ફોન એન્ડ્રોઈડ ઓરિયો પર કામ કરે છે. હેન્ડસેટમાં ઈનબિલ્ટ સ્ટોરેજ 54 જીબી છે અને માઈક્રોએસડી કાર્ડ દ્વારા 512 જીબી સુધી સ્ટોરેજ વધારી શકાય છે. ફોનમાં ડ્યુઅલ સિમ સપોર્ટ કરે છે. બે રિયર કેમેરા પણ આપવામાં આવ્યા છે. આ ફોનમાં LED ફ્લેશ સાથે 13 મેગાપિક્સલ અને 5 મેગાપિક્સલના બે રિયર સેન્સર આપવામાં આવ્યા છે. સેલ્ફી માટે LED ફ્લેશ લાઈટ સાથે 8 મેગાપિક્સલ ફ્રંટ કેમેરા છે. સ્માર્ટફોનમાં 3300mAhની બેટરી છે.
from Page Array – I Am Gujarat https://ift.tt/2QsaMS3
No comments:
Post a Comment