આ શહેરમાં ભાડાનું ઘર લેવા આપવી પડે છે રુ. 1.34 લાખની ડિપોઝિટ!

જીવન જરુરી ‘રોટી, કપડા ઔર મકાન’

બેંગલુરુઃ 1974માં આવેલી ફિલ્મ ‘રોટી, કપડા ઔર મકાન’માં સામાન્ય જરુરિયાત કેવી રીતે પૂરી કરવી તે વિશે સરસ નિરુપણ હતું. તે સમયથી લઈ અત્યાર સુધી ગરીબથી લઈ મધ્યમવર્ગીય લોકો માટે ઘરનું ઘર લેવું એ એક સપનાં જેવું જ છે. જ્યાં સુધી આ સપનું હકીકત ન બને ત્યાં સુધી ભાડાના ઘરમાં રહેવું પડે છે. જોકે, મહાનગરોમાં ભાડાનું ઘર લેવા માટે પણ તોતિંગ ડિપોઝીટ આપવી પડે છે. આવો જાણીએ….

અમારા ન્યૂઝ Whatsapp પર મેળવવા અહીં ક્લિક કરો

આપવી પડે છે તોતિંગ ડિપોઝીટ

એક પ્રોપર્ટી સર્ચ પોર્ટલ NoBrokerની સ્ટડી અનુસાર 2018માં ઘર ભાડે લેવા માટે સૌથી વધુ ડિપોઝીટ આપવી પડે તેવા શહેરમાં બેંગ્લુરુ પ્રથમ ક્રમે આવે છે. આ પછી અનુક્રમે ચેન્નાઈ, મુંબઈ, પુણે અને દિલ્હીનો નંબર આવે છે. આ શહેરોમાં સૌથી વધુ આઠ મહિના માટે ડિપોઝીટ 1,34,472 બેંગ્લુરુમાં આપવી પડે છે. ચેન્નાઈમાં એક લાખ જ્યારે દિલ્હીમાં બે મહિનાનું એડવાન્સ્ડ ભાડુ આપવાથી કામ ચાલી જાય છે.

ફરી જોવા મળ્યો ઉછાળો

પ્રોપર્ટી વેબસાઈટના જણાવ્યાનુસાર બેંગ્લુરુમાં પહેલાથી જ ડિપોઝીટ આટલી ઊંચી રહી છે કારણકે રિટાયર્ડ પર્સન માટે આ જરુરિયાત બની છે. ગત વર્ષોમાં ડિપોઝીટ ઓછી જોવા મળી હતી પરંતુ 2018માં તેમાં ફરી વધારો જોવા મળ્યો છે.જોકે, ઘણાં ઘર માલિક ઓછી ડિપોઝીટમાં પણ ભાડે આપવા તૈયાર થઈ જાય છે. વેબસાઈટ અનુસાર મુંબઈમાં 18%, ચેન્નાઈ(15%), બેંગ્લુરુ(14%) જ્યારે સૌથી ઓછો ઉછાળો પુણે(7%)માં જોવા મળ્યો છે.

ધ્યાનમાં રખાય છે આ સગવડતાઓ

શહેરમાં વિસ્તાર પ્રમાણે ડિપોઝીટ નક્કી કરવામાં આવે છે. જ્યારે ઘર ભાડે લેતાં સમયે કામની જગ્યા, પબ્લિક ટ્રાન્સપોર્ટ, બાળકો માટે નજીકની શાળા, શોપિંગ અને નાઈટ લાઈફ, સલામત નેઈબરહૂડ અને ટ્રાફિક જેવી સગવડતાઓને ધ્યાનમાં લેવામાં આવે છે.

આ કારણો જવાબદાર

વેબસાઈટ અનુસાર સામાન્ય રીતે ભારતીય વાતાવરણમાં ઘર ખરીદવાં અથવા તો ભાડે લેવા માટે બે જ કારણો જવાબદાર છે. નોકરી અને લગ્ન, લોકો ઘરનું લોકેશન પણ એવી રીતે પસંદ કરે છે. જ્યાં તેમની નોકરી નજીક થતી હોય અથવા તો લગ્ન પછી બાળકોની સ્કૂલ નજીક થતી હોય તેમજ ઘરની જરુરિયાતની દરેક વસ્તુઓ સરળતાથી મળી રહેતી હોય. આ કારણે પણ વિસ્તાર પ્રમાણે ડિપોઝીટ વધતી જાય છે.

from Page Array – I Am Gujarat http://bit.ly/2F9ZgFr