નેપાળના 16 વર્ષીય ક્રિકેટરે મહાન તેંદુલકરનો રેકોર્ડ તોડ્યો!

નેપાળના રોહિત પાઉડેલે સચિનને પાછળ છોડ્યો

નેપાળના રોહિત પાઉડેલે ઈન્ટરનેશનલ ક્રિકેટ(પુરુષ)માં સૌથી ઓછી ઉંમરે હાફ સેન્ચુરી ફટકારવાનો રેકોર્ડ બનાવી દીધો. 16 વર્ષ અને 146 દિવસની ઉંમરમાં તેણે સંયુક્ત અમીરાત (UAE) વિરુદ્ધ 55 રનોની ઈનિંગ રમી. આની સાથે જ તેણે ‘ગૉડ ઑફ ક્રિકેટ’ ભારતીય દિગ્ગજ સચિન તેંદુલકરનો 29 વર્ષ જૂનો રેકોર્ડ તોડી નાખ્યો.

સચિને પાકિસ્તાન વિરુદ્ધ મેળવી હતી સિદ્ધિ

મેન્સ ક્રિકેટમાં સૌથી ઓછી ઉંમરમાં ઈન્ટરનેશનલ હાફ સેન્ચુરી બનાવવાનો રેકોર્ડ સચિન તેંદુલકરના નામે હતો જેણે 16 વર્ષ અને 213 દિવસની ઉંમરે પાકિસ્તાન વિરુદ્ધ 59 રનની ઈનિંગ રમી હતી. આ મેચ 23 નવેમ્બર 1989ના રોજ પાકિસ્તાનના ફૈસલાબાદમાં રમાઈ હતી.

At the age of just 16 years and 146 days, Nepal's Rohit Paudel today became the youngest man to hit an international half-century, beating the likes of @sachin_rt and @SAfridiOfficial!

https://t.co/lRo5UTfuFd pic.twitter.com/qsqZQDYX5y

— ICC (@ICC) January 26, 2019

રોહિતની ઈનિગથી નેપાળે મેળવી જીત

સાતમા નંબરે બેટિંગ કરવા ઉતરેલા પાઉડેલે 58 બોલમાં 55 રન બનાવ્યા. તેણે પોતાની ઈનિંગમાં 7 ચોગ્ગા લગાવ્યા. તેની આ ઈનિંગના સહારે નેપાળે 50 ઓવરમાં 9 વિકેટે 242 રન બનાવ્યા. જવાબમાં મેજબાન યુએઈની આખી ટીમ માત્ર 97 રનમાં ઓલઆઉટ થઈ ગઈ. આની સાથે જ નેપાળે ત્રણ મેચની સીરિઝ 1-1થી બરાબર કરી લીધી છે. ઈન્ટરનેશનલ ક્રિકેટમાં સૌથી નાની ઉંમરે હાફ સેન્ચુરી લગાવવાની વાત કરીએ તો આ રેકોર્ડ સાઉથ આફ્રિકાની મહિલા ક્રિકેટર જોહમરી લોગટેનબર્ગના નામે છે જેણે માત્ર 14 વર્ષની ઉંમરે આ સિદ્ધિ મેળવી હતી.

ગત વર્ષે નેપાળને મળ્યો ઈન્ટરનેશનલ ટીમનો દરજ્જો

પાઉડેલની વાત કરીએ તો અન્ડર-19માં કમલેશ નાગરકોટીની એક ઓવરમાં 24 રન ફટકારી ચર્ચામાં આવ્યો હતો. 2002માં જન્મેલા પાઉડેલે ઑગસ્ટ 2018માં નેધરલેન્ડ્સ વિરુદ્ધ પોતાનું ડેબ્યૂ કર્યું હતું, નેપાળને મે 2018માં તે સમયે ODI ટીમનો દરજ્જો મળ્યો હતો જ્યારે તેણે હરારે ખાતે રમાયેલા ICC વર્લ્ડ કપ ક્વૉલિફાયરમાં પપુઆ ન્યૂ ગિનીની ટીમ હરાવી હતી.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2RSCbxN