2019 અક્ષય કુમારને નામ: આ 5 ફિલ્મોથી બોક્સ ઓફિસ પર મચાવશે ધમાલ

2019માંં ધમાલ મચાવવા તૈયાર અક્ષય

અક્ષય કુમાર માટે 2018નું વર્ષ ઘણું સારું રહ્યું. ગયા વર્ષે અક્ષયની ફિલ્મો ‘પેડમેન’ અને ‘2.0’એ બોક્સ ઓફિસ પર સારી કમાણી કરી જ્યારે ખાન ત્રિપુટી એટલે કે સલમાન, શાહરૂખ અને આમિર માટે આ વર્ષ ઠંડુ રહ્યું. એવું કહેવું અતિશયોક્તિ નહીં હોય કે ગયા વર્ષે અક્ષય સફળ સુપરસ્ટાર રહ્યો. હવે નવા વર્ષે પણ અક્ષય પોતાની નવી ફિલ્મોથી ધમાલ મચાવવા તૈયાર છે. જાણો, આ વર્ષે અક્ષય કુમારની કઈ ફિલ્મો રિલીઝ થશે.

અમારા ન્યૂઝ WhatsApp પર મેળવવા અહીં ક્લિક કરો

કેસરી

આ ફિલ્મ સારાગઢીની લડાઈના વાસ્તવિક કહાની પર આધારિત છે. આ લડાઈ 1897માં થઈ હતી. એ વખતે 21 શીખ સૈનિકોએ 1000 અફઘાની સૈનિકો સામે બાથ ભીડી હતી. આ ફિલ્મને કરણ જોહર પ્રોડ્યુસર કરી રહ્યા છે અને 21 માર્ચે ફિલ્મ રિલીઝ થશે.

મિશન મંગલ

આ ફિલ્મ ભારતના પ્રથમ મંગળ મિશન આધારિત છે. આ ફિલ્મમાં અક્ષય સાથે સોનાક્ષી સિન્હા, વિદ્યા બાલન, કીર્તિ કુલ્હારી, તાપસી પન્નૂ અને શરમન જોશી જેવા એક્ટર્સ જોવા મળશે. આ ફિલ્મ 2019માં સ્વતંત્રતા દિવસે રિલીઝ થશે.

ગુડ ન્યૂઝ

આ ફિલ્મમાં અક્ષય કુમાર લાંબા સમય બાદ કરીના કપૂર સાથે સિલ્વર સ્ક્રીન પર જોવા મળશે. આ ફિલ્મ એવા કપલની વાર્તા છે જે એક બાળકને જન્મ આપવાની કોશિશ કરી રહ્યું છે. ગુડ ન્યૂઝમાં કિયારા અડવાણી અને દિલજીત દોસાંજ પણ મહત્વપૂર્ણ ભૂમિકામાં જોવા મળશે. આ ફિલ્મ 19 જુલાઈએ રિલીઝ થશે.

હાઉસફુલ 4

હાઉસફુલ સીરીઝની આ ફિલ્મમાં અક્ષય કુમાર સિવાય રિતેશ દેશમુખ, બોબી દેઓલ, ચંકી પાંડે, કૃતિ સૈનન, કૃતિ ખરબંદા અને પૂજા હેગડે જોવા મળશે. આ ફિલ્મ 2019માં દિવાળી પર રિલીઝ થશે.

સૂર્યવંશી

હાલમાં અક્ષય કુમારને ‘સિમ્બા’માં એક પોલીસવાળાના કેમિયોમાં જોવાની મજા પડી. આ ‘સૂર્યવંશી’ ફિલ્મનું જ પાત્ર હતું. આ ફિલ્મના ડાયરેક્ટર રોહિત શેટ્ટી છે અને આ ફિલ્મ ડિસેમ્બરમાં રિલીઝ થઈ શકે છે.

from Page Array – I Am Gujarat http://bit.ly/2saW83A