વિલન બનશે નેતા
બેંગલુરુ: હિન્દી ફિલ્મોમાં વિલનની ભૂમિકા ભજવીને ખાસ્સો ફેમસ થયેલો અભિનેતા પ્રકાશ રાજ હવે પોતાની રાજકીય કારકિર્દી શરુ કરવા જઈ રહ્યો છે. કર્ણાટકની ચૂંટણી વખતે ખાસ્સા સક્રીય રહેલા પ્રકાશ રાજે હવે 2019માં આવી રહેલી લોકસભા ચૂંટણી લડવાની જાહેરાત કરી દીધી છે.
અમારા ન્યૂઝ Whatsapp પર મેળવવા માટે ક્લિક કરો
અપક્ષ ચૂંટણી લડશે
જોકે, પ્રકાશ રાજ કોઈ પક્ષની ટિકિટ પર લડવાને બદલે અપક્ષ ઉમેદવાર તરીકે આ ચૂંટણીમાં ઝંપલાવશે. ટ્વીટર પર તેણે એક પોસ્ટમાં જણાવ્યું હતું કે, તે લોકસભા ચૂંટણી લડવા જઈ રહ્યો છે. તે કઈ બેઠક પરથી ચૂંટણી લડશે તે સહિતની વધુ વિગતો તે આગામી દિવસોમાં આપશે.
ક્યાંથી લડશે તે નક્કી નથી
સૂત્રોનું માનીએ તો પ્રકાશ રાજ કર્ણાટક, તેલંગાણા કે પછી યુપીથી ચૂંટણી લડી શકે છે. કર્ણાટકમાં તે દક્ષિણ કન્નડ, ઉડુપી, ઉત્તર કન્નડ કે સાઉથ બેંગલોર બેઠક પરથી ચૂંટણી લડી શકે છે. પ્રકાશ રાજ બંટ સમુદાયનો છે, અને તેની વસ્તી દક્ષિણ કન્નડ તેમજ ઉુડુપીમાં સારી એવી છે. ભાજપ સામે હંમેશા આકરા વેણ ઉચ્ચારતો પ્રકાશ રાજ કેન્દ્રિય મંત્રી અનંતકુમાર હેગડે સામે ઉત્તર કન્નડાથી લડી શકે છે.
ભાજપનો કટ્ટર વિરોધી છે પ્રકાશ
ભાજપ વિરોધી વલણને લીધે ચર્ચામાં રહેતો પ્રકાશ રાજ સાઉથનો ત્રીજો એવો એક્ટર છે કે જે તાજેતરના સમયમાં રાજકારણમાં ઝંપલાવશે. રાજ પહેલા રજનીકાંત અને કમલ હાસન પણ રાજકારણમાં પ્રવેશી ચૂક્યા છે. ગૌરી લંકેશના મર્ડર વખતે પ્રકાશ રાજે સીધો પીએમ મોદીને સવાલ કર્યો હતો. જોકે, તેના વિરોધીઓએ તે આમ કરી કોંગ્રેસની હમદર્દી મેળવી ટિકિટ મેળવવા માગે છે તેમ કહી તેનો વિરોધ કર્યો હતો.
from Page Array – I Am Gujarat http://bit.ly/2LMk2eI
No comments:
Post a Comment