નવા ચિપવાળા કાર્ડ આ રીતે છે જૂનાથી અલગ
નવી દિલ્હી: દેશની બધી બેંકો જૂના મેગ્નેટિક સ્ટ્રીપવાળા ક્રેડિટ અને ડેબિડ કાર્ડને બદલે ગ્રાહકોને ઈએમવી ચિપવાળા કાર્ડ આપી રહી છે. એવી સ્થિતિમાં આ કાર્ડસનો ઉપયોગ કરવાની રીત પણ બદલાઈ ગઈ છે. જો તમે નવા ઈએમવી ચિપવાળા કાર્ડનો ઉપયોગ કરી રહ્યા છો, તો તમારી રીતમાં પણ ફેરફાર કરી લો. મેગ્નેટિક સ્ટ્રીપ કાર્ડના ઉપયોગ દરમિયાન મશીનમાં કાર્ડ સ્વેપ કર્યા બાદ તરત જ તેને કાઢી લેવામાં આવતું હતું. જોકે, નવા કાર્ડમાં એવું નથી કરવાનું. એવું કરવાથી કાર્ડ ખરાબ થઈ શકે છે. ઈએમવી ચિપવાળા કાર્ડને ટ્રાન્જેક્શન દરમિયાન એટીએમ કાર્ડ સ્લૉટની અંદર રાખવું પડે છે.
અમારા ન્યૂઝ WhatsApp પર મેળવવા અહીં ક્લિક કરો
ATMમાં જાઓ ત્યારે આટલું ધ્યાન રાખજો
કેટલાક નવા એટીએમ એવા કાર્ડ સ્લૉટ સાથે આવી રહ્યા છે, જે જૂના જેવા જ દેખાય છે. પહેલી નજરે લાગે છે કે, તેમાં પણ કાર્ડને સ્વેપ કર્યા બાદ કાઢી લેવાનું છે, પરંતુ હકીકતમાં એવું નથી. નવા એટીએમમાં કાર્ડને ત્યાં સુધી નથી કાઢવાનું હોતું, જ્યાં સુધી કે ટ્રાન્જેક્શન પુરું ન થઈ જાય. જો ઉપયોગ કરવા સમયે એવું લાગે કે કાર્ડ ફસાઈ ગયું છે અને તમે જબરજસ્તી તેને કાઢવાનો પ્રયાસ કરશો તો તમારું ચિપ કાર્ડ કાયમ માટે બંધ થઈ શકે છે. તેને બદલે નવું કાર્ડ લવું પડી શકે છે. બેંક નવા કાર્ડ માટે અલગથી ચાર્જ લેતી હોય છે.
આ રીતે કરો ચિપવાળા કાર્ડનો ઉપયોગ
જો, તમે નવું ઈએમવી ચિપ કાર્ડ લીધું છે, તો સૌથી પહેલા તમારા કાર્ડને એટીએમના સ્લોટમાં નાંખો. તે પછી બેકિંગ ઓપ્શન સિલેક્ટ કરો અને તે પછી પિન નાંખી ટ્રાન્જેક્શન ચાલુ રાખો. તે પછી રૂપિયા બહાર આવતા પહેલા એટીએમમાં તમને સંકેત મળશે કે તમે તમારું કાર્ડ કાઢી લો. એટલે ટ્રાન્જેક્શન સમય કાર્ડને જબરજસ્તી બહાર કાઢવાની જરૂર નથી.
RBIએ 2015માં બહાર પાડ્યો હતો સર્કુલર
ઉલ્લેખનીય છે કે, ભારતીય રિઝર્વ બેંકે 2015માં એક સર્કુલર બહાર પાડ્યો હતો કે ભારતમાં કાર્યરત બધી બેંક જૂની મેગ્નેટિક સ્ટ્રીપ કાર્ડને બદલે ઈવીએમ ચિપ કાર્ડ ગ્રાહકોને આપે. રિઝર્વ બેંકની સૂચનાને ધ્યાનમાં રાખતા બધી બેંકોએ આ પગલું ઉઠાવ્યું. નવા કાર્ડમાં ફ્રોડ થવાની શક્યતા નહીં બરાબર થઈ ગઈ છે. ખાતા ધારકોના રૂપિયાની સુરક્ષા વધી ગઈ છે.
from Page Array – I Am Gujarat http://bit.ly/2RwS25f
No comments:
Post a Comment