IND vs AUS: Test Series
સિડનીઃ ભારતે ઓસ્ટ્રેલિયાને ટેસ્ટ સીરિઝમાં હરાવીને ઇતિહાસ રચી દીધો છે. ભારતે ઓસ્ટ્રેલિયામાં ચાર મેચોની સીરિઝમાં 2-1થી જીત પોતાને નામે કરી છે. સિડનીમાં રમાયેલી સીરિઝની અંતિમ મેચ વરસાદના કારણે ડ્રો રહી. પણ ભારત એડિલેડ અને મેલબર્નમાં ટેસ્ટ જીતીને સીરિઝમાં પહેલાથી જ આગળ હતું. જીત પછી વિરાટ કોહલીએ સ્વાભાવિક રીતે ઘણો ખુશ દેખાયો. તેણે જીત માટે આખી ટીમને શ્રેય આપ્યો.
અમારા ન્યૂઝ Whatsapp પર મેળવવા અહીં ક્લિક કરો
કોહલીએ કહ્યું- મને ગર્વ થાય છે
કોહલીએ કહ્યું- સૌથી પહેલા હું એ કહેવા માગુ છું કે ટીમનો ભાગ બનતા મને પહેલા આના કરતા વધારે ખુશી નથી મળી. મે અહીંથી કેપ્ટનશિપની શરુઆત કરી હતી અને આજે અમે આ મુકામ પર પહોંચ્યા છીએ. મને વિશ્વાસ નથી થઈ રહ્યો કે 4 વર્ષ બાદ અમે અહીં સીરિઝ જીત્યા છીએ. હું માત્ર એક શબ્દમાં કહું છું- પ્રાઈડ, આ ટીમનું નેતૃત્વ કરીને મને ગર્વ થાય છે અને પોતાને ભાગ્યશાળી માનું છું. ખેલાડી કેપ્ટનને વધારે સારા બનાવે છે.
આ સીરિઝ અલગ ઓળખ અપાવશે
કોહલીએ કહ્યું કે આ સીરિઝ અમને અલગ ઓળખ આપશે. આગળ તેણે કહ્યું- અમે આ મેળવવામાં સફળ રહ્યા જેના પર ગર્વ કરી શકીએ છીએ. કોહલીએ આ પ્રસંગે પોતાના ટીમના ખેલાડીઓની ખુબ પ્રશંસા કરી. ખાસ કરીને પુજારાની પ્રશંસા કરી. તેણે કહ્યું, પુજારાનું નામ ખાસ લેવા માગુ છું. તે સીરિઝમાં સારું રમ્યો. કોહલીએ કહ્યું, પુજારા પાછલો ઓસ્ટ્રેલિયા પ્રવાસ સારો નહોતો રહ્યો પણ આ વખતે સારું પ્રદર્શન કર્યું. કોહલીએ કહ્યું- પુજારા સતત શીખવા માગે છે. તે પોતાની ગેમ પર કામ કરે છે. તે ટીમના સારા સભ્યોમાંથી એક છે. હું તેના માટે ઘણો ખુશ છું.
મયંક અગ્રવાલની પ્રશંસા
આ સીરિઝમાં ડેબ્યુ કરનારા મયંક અગ્રવાલની પણ કોહલીએ ખાસ પ્રશંસા કરીને કહ્યું- તે બોક્સિંગ ડે ટેસ્ટમાં ચેમ્પિયનની જેમ રમ્યો. આ તેની માનસિક દૃઢતાનો પરિચય આપે છે. કોહલીએ કહ્યું- બેટિંગ યુનિટમાં અમે બધા ભેગા મળીને સારું રમ્યા.
બોલર્સની પણ કરી પ્રશંસા
કોહલીએ બોલર્સની પણ પ્રશંસા કરી. તેણે કહ્યું- બોલર્સ માત્ર અહીં જ નહીં પણ સાઉથ આફ્રીકા અને ઈંગ્લેન્ડમાં પણ દમદાર રમત દર્શાવી હતી. ટીમની ફિટનેસ અને માનસિક દૃઢતા લાજવાબ રહી. હું તેમને સલામ કરું છું.
જીત પછી મળ્યો પત્નીનો સાથ
from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2GXsN7d
No comments:
Post a Comment