પ્રજાસત્તાક દિનની રજા સાથેના આ વીકેન્ડમાં ફરી આવો ગુજરાતના આ સ્થળો

ગુજરાતી એટલે રજા આવે ફરવા નિકળી પડો

શિખા શાહ, અમદાવાદઃ એવું ઘણીવાર બનતું હોય છે કે આપણને કોઈ રજાના દિવસો વીકેન્ડની આસપાસ આવી જાય અને પોતાના વ્યસ્ત શેડ્યુલમાંથી થોડો સમય કાઢીને પરિવાર સાથે ફરવા જવાનો મોકો મળી જાય છે. ત્યારે આ વખતે 26મી જાન્યુઆરી શનિવારના રોજ આવવાથી લોંગ વીકેન્ડ તો નહીં પરંતુ બે દિવસની રજા જરુર મળી છે. ત્યારે ફરવા માટે દુનિયાભરમાં જાણીતા ગુજરાતીઓ આ મોકો કઈ રીતે ચૂકી શકે. અહીં ગુજરાતના જ કેટલાક એવા સ્થળ વિશે તમને જણાવી દઈએ કે આ 2થી દોઢ દિવસની નાનકડી ફેમેલી ટ્રિપ કરી શકો છો.

અમારા ન્યૂઝ Whatsapp પર મેળવવા અહીં ક્લિક કરો

માણો કચ્છની સંસ્કૃતિ

અનંત સફેદ રણ અને મનને લોભાવતી કલાની દુનિયા એટલે કચ્છ. કચ્છ એટલે ઇતિહાસ, ઉત્કૃષ્ટ કોતરણી, જટિલ કલા, ફ્લેમિંગો, ફ્લાઇંગ ક્રેન્સ અને વિવિધ દેશોના યાયાવર પક્ષીઓને એક જગ્યાએ જોવાનો લાહ્વો. હાલ કચ્છની મુલાકાત લેવાનો આદર્શ સમય છે. એક તો અદ્ભુત હવામાન અને બીજું કારણ રણ ઉત્સવ, કચ્છના રણમાં દર વર્ષે યોજાતો આ રણોત્સવ આ વર્ષે ત્રણ મહિના માટે 20 ફેબ્રુઆરી સુધી ચાલશે. આ બધુ સાથે મળીને પરિવાર સાથે ફરવાના સૌથી બેસ્ટ પ્લેસમાં કચ્છનો સમાવેશ કરે છે.

પાવાગઢના ડુંગર પર હાઈકિંગ ટ્રિપ

પાવાગઢનું મહાકાળી મંદિર ગુજરાતમાં સૌથી વધુ લોકપ્રિય તીર્થસ્થળો પૈકી એક છે. વડોદરાથી આશરે 45 કિ.મી.ના અંતરે, આવેલ અહીં GSRTCની બસ અથવા સ્થાનિક ઓટો રીક્ષાઓ દ્વારા પણ પહોંચી શકાય છે. ચાંપાનેરના ઐતિહાસિક સ્મારકો માટે પણ પાવાગઢ પ્રવાસીઓ વચ્ચે પ્રખ્યાત છે, જેને યુનેસ્કો વર્લ્ડ હેરિટેજ સાઇટ જાહેર કરવામાં આવ્યા છે. તમે ચાંપાનેરથી પાવાગઢનું હાઈકિંગ કરી શકો છો અથવાતો ચાંપાનેરમાં તેના આર્કિટેક્ચરને જોઈને ભવ્ય ઇતિહાસની ઝાંખી મેળવી શકો છો. અહીંથી, તમે પાવાગઢના શિખર સુધી લગભગ 2-3 કલાકની ચઢાણ બાદ પહોંચી શકો છો.

જામ્બુઘોડાના જંગલોમાં ફરો

ચાંપાનેરથી આશરે 30 કિ.મી. દૂર જંબુઘોડા એક નાનું ગામ છે જે લીલા જંગલોથી ઘેરાયેલ છે. આ શહેરની મધ્યમાં આવેલ છે જામ્બુઘોડા અભયારણ્ય. જેમાં ટીક, મહુઆ અને વાંસનાં વૃક્ષો અને અન્ય રસદાર વનસ્પતિનું જંગલ છે. આ અભ્યારણ્યમાં જંગલી રીંછ, એન્ટિલોપ્સ, સ્લૉથ રીંછ, ડુક્કર અને વિવિધ સરીસૃપ જેવા પ્રાણીઓ જોવા મળે છે. અહીં વન વિભાગની કચેરી હાઇકિંગ, કેમ્પિંગ અને સફારીસની વ્યવસ્થા કરે છે. નેચર વૉક, સફારી અને ટ્રેક્સ માટે જાઓ અથવા જંગલમાં તમારા પરિવાર સાથે કૅમ્પિંગ કરવાનો પ્લાન બનાવો. ધનપરી એ અભયારણ્યની અંદર આવેલ એક વન ઇકોટુરિઝમ સાઇટ છે. આ વિસ્તારમાં બે જળાશયો છે, એક કાડા અને બીજુ તારગોલ, કેમ્પ સાઇટ કાડા ડેમ નજીક છે જે એક સુંદર સ્થળ છે.

પાટણની મુલાકાત લીધી છે કે નહીં

ગુજરાત એક ધૂળીયું અને નાનકડું ગામ એટલે પાટણ, પરંતુ તેની સાંકડી શેરીઓ અને લાકડાના ઘરો, પાટણમાં સરસ્વતી નદીની કિનારે સ્થિત 11મી સદીમાં બનાવવામાં આવેલ પગથિયાવાળી રાણીની વાવ આર્કિટેક્ચરલ દ્રષ્ટીએ એક રત્ન છે. આ જગ્યાને યુનેસ્કો વર્લ્ડ હેરિટેજ સાઇટ તરીકે સમાવવામાં આવી છે. ઇસ. 1050ની આસપાસ રાજા ભીમદેવની વિધવા રાણી ઉદયમતી દ્વારા રાજાની યાદમાં આ વાવ બનાવવામાં આવી હતી. આ વાવ ઊંધા મંદિરના આકારમાં બાંધવામાં આવી છે. તેને સાત સ્તરમાં ભાગ પાડીને બનાવવામાં આવી છે. આ ઉપરાંત અહીં 500થી વધુ સિદ્ધાંતો અને ધાર્મિક, પૌરાણિક અને ધર્મનિરપેક્ષ કલ્પના દર્શાવતા હજારથી વધુ સ્થાપત્યો છે. રાની કી વાવ વિશ્વમાં એક માત્ર એવી વાવ છે જેમાં મોટી માત્રામાં જટિલ પદ્ધતિઓ અને ધાર્મિક અલંકારો છે.

કિલાદમાં ઉઠાવો કેમ્પ ફાયરનો લુત્ફ

શિયાળામાં કેમ્પિંગ આનંદ એકદમ અલગ હોય છે. પોતાના લોકોની સાથે બોનફાયરની આસપાસ બેસી મનપસંદ ગીતો ગાતા રાત પસાર કરવી એ શિયાળામાં સંબંધોમાં નવી ઉષ્મા લાવી જાય છે. ગુજરાતના મોટાભાગના શહેરોમાંથી ડ્રાઇવિંગ કરીને પહોંચી શકાય તેવું કિલાદ રાષ્ટ્રીય ધોરીમાર્ગ 8 નજીક વઘઇ-વાંસદા સ્ટેટ હાઇવે દ્વારા પહોંચી શકાય છે. ડાંગ ફોરેસ્ટ ડિવિઝનમાં સ્થિત, કેમ્પસાઇટ અંબિકા નદીની બાજુમાં બેસીને પ્રકૃતિની નજીક આવવાની એક અનન્ય તક છે. જો તમે જંગલમાં ઊંડે સુધી જવા માગતા હોવ તો એક ગાઇડને સાથે રાખવો સલાહભર્યું છે. જે તમને પ્રાણી, પક્ષીઓથી લઈને જંગલના રસ્તાઓ શોધવામાં મદદ કરશે. અહીં તમને વણજોવાયેલ અને વિશુદ્ધ કુદરતનો આનંદ માણી શકો છો.

from Page Array – I Am Gujarat http://bit.ly/2Uld0kt