કેપ્ટન કોહલીએ રજા પર જવાની જરૂર : રાહુલ

‘કોહલી હંમેશા કામમાં રહે છે, રજાની જરૂર’

ટીમ ઈન્ડિયાનો કેપ્ટન વિરાટ કોહલી મેદાન પર મોટાભાગે આક્રમક અંદાજમાં જોવા મળે છે અને ખૂબ એક્ટિવ પણ રહે છે. ટીમના સાથી અને ઓપનર કેએલ રાહુલને લાગે છે કે, કોહલી હંમેશાં કામમાં વ્યસ્ત હોય છે અને એટલે તેને રજા પર જવાની જરૂર છે. રાહુલે આ બધી વાત જાણીતા ફિલ્મમેકર કરણ જોહરના શો ‘કૉફી વિથ કરણ’ દરમિયાન કહી. તેની સાથે સ્ટાર ઑલરાઉન્ડર હાર્દિક પંડ્યા પણ આવ્યો હતો અને બંને ખૂબ જ કૂલ અંદાજમાં દેખાઈ રહ્યાં હતા.

‘કૉફી વિથ કરણ’માં રાહુલ અને પંડ્યાની મસ્તી

જ્યારે કરણે રાહુલને પૂછ્યું કે, કોને થેરેપી પર જવું જોઈએ ત્યારે રાહુલે કહ્યું, ‘મને લાગે વિરાટ. તેને શાંત રહેવાની જરૂર છે. હું હંમેશા તેને કહેતો રહું છું. તે ક્યારેય રજાના મૂડમાં નથી હોતો. તે હંમેશાં કામ, કામ અને કામમાં જ હોય છે.’ આ એપિસોડ રવિવારે સ્ટાર વર્લ્ડ ચેનલ પર પ્રસારિત થશે. રાહુલ અને પંડ્યા ‘કૉફી વિથ કરન’ની સીઝન-6ના આ એપિસોડમાં ખૂબ મસ્તીભર્યા અંદાજમાં દેખાયા. ટ્વીટર પર કરણના આ શોની કેટલીક વીડિયો ક્લિપ પણ પોસ્ટ કરવામાં આવી છે.

‘વિરાટ સૌથી મોટો સલાહકાર અને પ્રેન્કસ્ટાર’

કરણે જ્યારે પંડ્યાને પૂછ્યું કે, ફિટનેસ અંગે તે કોની પાસેથી સલાહ લે છે ત્યારે તેણે કહ્યું, ‘વિરાટ.’ જ્યારે તેને પ્રેન્કસ્ટાર વિશે પૂછવામાં આવ્યું ત્યારે પણ તેને વિરાટનું નામ લીધું. જ્યારે રાહુલને સૌથી રોમાન્ટિક માણસ વિશે પૂછવામાં આવ્યું ત્યારે તેણે ફરીવાર વિરાટનું નામ લીધું.

ધોની વિરાટથી વધુ સારો કેપ્ટન

જોકે, આ બંનેએ મહેન્દ્ર સિંહ ધોની અંગે નરમ વલણ દેખાડ્યું. કરણે જ્યારે બંનેને ધોની અને કોહલીમાંથી સારા કેપ્ટન વિશે પૂછ્યું ત્યારે પંડ્યાએ કહ્યું કે, ‘ધોનીની કેપ્ટનશિપમાં મેં ડેબ્યૂ કર્યું હતું. તે શાનદાર છે.’ બીજી તરફ રાહુલે કહ્યું કે, ‘જો તમે તમામ ઉપલબ્ધિઓની વાત કરો તો નિશંકપણે ધોની.’

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2RdvO7U