સચિનને વિશ્વાસ, હજુ ઘણી મેચો જીતાડશે ધોની

ધોનીની મેચ વિનિંગ ઈનિંગની સચિન કરી પ્રશંસા

નવી દિલ્હી: મહાન ક્રિકેટર સચિન તેંદુલકરે મહેન્દ્ર સિંહ ધોનીની ઑસ્ટ્રેલિયા સામેની બીજી વન-ડેમાં ‘મેચ ફિનિશ’ કરવાની કાબેલિયતની પ્રશંસા કરી અને કહ્યું કે, હવેથી તે અંત સુધી ઈનિંગને આગળ વધારશે. તેંડુલકરે ધોનીની અણનમ 55 રનની ઈનિંગને તેની વિચાર પ્રક્રિયાનું પરિણામ ગણાવી.

‘બીજી વન-ડેમાં અલગ જ ખેલાડી દેખાયો ધોની’

તેંડુલકરે પોતાની એપ ‘100MB’માં કહ્યું કે, ‘ગઈકાલે (મંગળવારે) તેનું યોગદાન ઘણું સારું રહ્યું. પહેલી મેચમાં મને લાગ્યું કે, તે થોડો લયમાં નહોતો, તે બોલને ત્યાં હીટ નહોતો કરી શકતો જ્યાં ઈચ્છતો હતો અને આવું કોઈની પણ સાથે થઈ શકે છે. તે બીજી મેચમાં કંઈક અલગ વિચારીને ઉતર્યો હતો અને પહેલા બોલથી જ અલગ ખેલાડી દેખાયો.’

સચિને ધોનીની બેટિંગ સ્ટાઈલ પર કરી ચર્ચા

ધોનીની ઈનિંગને આગળ વધારવામાં અને મેચ ફિનિશ કરવામાં નિપુણ છે પણ છેલ્લા કેટલાક સમયથી તેના ફોર્મ પર સવાલ ઉઠી રહ્યાં હતા. તેંડુલકરે કહ્યું કે, ‘તે એવો ખેલાડી છે જે કેટલાક બોલ ખાલી છોડવાનું પસંદ કરે છે, તે વિકેટને સમજે છે, જુએ છે કે, બોલર કેવી બોલિંગ કરી રહ્યો છે અને તે મેચ અંત સુધી લઈ જવાનું પસંદ કરે છે. તેણે આવું જ કર્યું. તે એક એવો ખેલાડી છે જે એક છેડેથી રમતને નિયંત્રિત કરશે.’

દિનેશ કાર્તિકને પણ ગણાવ્યો ‘ફિનિશર’

સચિને દિનેશ કાર્તિકની પણ ‘ફિનિશર’ તરીકે પ્રશંસા કરી જેણે છેલ્લી ઓવર્સમાં ધોનીના અનુભવનો પૂરો સાથ નિભાવ્યો. તેણે કહ્યું કે, ‘મંગળવારે ધોની સાથે દિનેશ કાર્તિકે પણ સારી રમત દેખાડી. તે આવ્યો અને મેચ પૂરી થઈ ત્યાં સુધી ટકી રહ્યો. દિનેશનું પણ આ યોગદાન શાનદાર રહ્યું. ધોની અંત સુધી રહ્યો અને તેનો અનુભવ કામ આવ્યો.’

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2RvVo8p