અર્જુન-મલાઈકાના સંબંધ પર લાગી ગઈ મહોર, આ સેલિબ્રિટીએ કર્યો ખુલાસો

છેવટે ખુલાસો થઈ ગયો

આખરે ખુલાસો થઈ જ ગયો. અર્જુન કપૂર અને મલાઈકા અરોરાને ઘણી જગ્યાઓ પર એકબીજાની સાથે જોવામાં આવ્યા છે. ક્યારેક ડિનર પર તો ક્યારેક અન્ય ઈવેન્ટ્સમાં બંને એકબીજા હાથમાં હાથ પરોવી જોવા મળે છે, પણ અર્જુન કે મલાઈકા, બેમાંથી કોઈએ પોતાના સંબંધો વિશે કંઈ જ કબૂલાત કરી નથી કે, તેઓ રિલેશનશિપમાં છે. જોકે, હવે આ વાત પરથી પડદો ઉચકાઈ ગયો છે.

‘કૉફી વિથ કરણ 6’માં આવું બોલ્યો હતો અર્જુન

ફિલ્મમેકર કરણ જોહરે કન્ફર્મ કરી દીધું છે કે, મલાઈકા અને અર્જુન એકબીજાને ડેટ કરી રહ્યાં છે. હવે તમે વિચારી રહ્યાં હશો કે કેવી રીતે? ચાલો તમને જણાવી દઈએ. તમને યાદ તો હશે જ કે, ‘કૉફી વિથ કરણ 6’ના એક એપિસોડમાં અર્જુન કપૂરે એ તો કબૂલ કરી લીધું હતું કે, તે સિંગલ નથી પણ તેણે એ વાતને રહસ્ય જ રાખી હતી કે, તે કોને ડેટ કરી રહ્યો છે. જોકે, અંદરોઅંદર બધા લોકો આ ઈશારો સમજી રહ્યાં હતા.

આ રીતે બહાર આવી વાત

હવે જ્યારે ક્રિકેટર્સ કે એલ રાહુલ અને હાર્દિક પંડ્યા કરણ જોહરના ચેટ શોમાં પહોંચ્યા ત્યારે કરણે અર્જુન અને મલાઈકાના રિલેશનશિપને કન્ફર્મ કરી દીધું. જ્યારે કરણે રાહુલને તેના બૉલિવૂડ ક્રશ વિશે પૂછ્યું ત્યારે તેણે મલાઈકાનું નામ લીધું પણ સાથે-સાથે કહ્યું હવે તેને મલાઈકા પર ક્રશ રહ્યો નથી. આના પર કરણે તરત કહ્યું, ‘કેમ કે, તે અર્જુન કપૂરને ડેટ કરી રહી છે એટલે?’ બસ, પછી તો આ વાત બધાની સામે આવી ગઈ.

Karan gets the scoop on cricket, clubbing and man crushes, next week in conversation with @klrahul11 and @hardikpandya7. #KoffeeWithKaran #KoffeeWithKLRahul #KoffeeWithHardik #KoffeeWithCricketers #klrahul #hardikpandya pic.twitter.com/8AQoxM8KxF

— Star World (@StarWorldIndia) December 30, 2018

આ વર્ષે જ કરી શકે છે મેરેજ

અલબત્ત, હવે એ જોવાનું રહ્યું કે, આના પર મલાઈકા અને અર્જુન કેવી રીતે રિએક્ટ કરશે. અત્યારે તો ફેન્સ એ જ આતુરતામાં છે કે, આ બંને ક્યારે પોતાના સંબંધ પર વાત કરશે. ન્યૂઝ તો એવા પણ આવી રહ્યાં છે કે, બંને આ જ વર્ષે લગ્નના બંધનમાં બંધાઈ શકે છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2C3XXUQ