બાઈક ચાલકોએ આ જાણીતી એક્ટ્રેસ સાથે કરી ગાળાગાળી, ડ્રાઈવરને પણ માર્યો!

ચાલતા રોડ પર શમિતા શેટ્ટી સાથે દુર્વ્યવહાર

બૉલિવૂડ એક્ટ્રેસ શમિતા શેટ્ટી અત્યારે ટીવીના પૉપ્યુલર શૉ ‘ખતરો કે ખિલાડી’માં દેખાઈ રહી છે. શમિતાની શૉમાં વાઈલ્ડ કાર્ડ એન્ટ્રી થઈ છે. તે શોમાં પોતાના સ્ટંટથી દર્શકોને દંગ કરી રહી છે. આ દરમિયાન એક ન્યૂઝ આવ્યા છે કે, એક બાઈક ચાલક અને તેના બે મિત્રોએ શમિતા શેટ્ટીને ગાળ આપી. બાઈકે શમિતાની કારને ટક્કર મારી ત્યારે શમિતાના ડ્રાઈવરે બાઈક સવાર સાથે બોલાચાલી કરી તો બાઈક ચાલકે તેને માર માર્યો.

મુંબઈના થાનેમાં બની ઘટના

મીડિયા રિપોર્ટ્સ અનુસાર, આ ઘટના મુંબઈના થાને સ્થિત વિવિયાના મૉલ પાસે બની હોવાનું કહેવાઈ રહી છે. પોલીસે અજ્ઞાત બાઈક ચાલક વિરુદ્ધ કેસ નોંધી લીધો છે. શમિતા ડ્રાઈવર દર્શન સાવંતે બાઈક સવારો સાથે જોડાયેલી માહિતી પોલીસને આપી દીધી છે. TOIના એક રિપોર્ટ અનુસાર, એક પોલીસ અધિકારીનું કહેવું છે કે, શમિતા પોતાના અંગત કામના સંદર્ભે થાને આવી હતી, ઘટના આશરે દોઢ વાગ્યાની છે.

પોલીસે નોંધ્યો કેસ, ધરપકડ બાકી

રિપોર્ટ્સ અનુસાર, શમિતાના ડ્રાઈવરે બાઈક દ્વારા ટક્કર બાદ નુકસાન જોવા માટે કાર રોકી હતી. ડ્રાઈવરના કહેવા અનુસાર, આ દરમિયાન બાઈક ચાલકે તેને થપ્પડ માર્યા અને ધમકી પણ આપી. પોલીસનું કહેવું છે કે, આ ઘટનામાં કોઈને ઈજા થઈ નથી. પોલીસનું કહેવું છે કે, બાઈક સવારો વિરુદ્ધ IPCના સેક્શન 279, 323, 504, 506, 427 અને 34 અંતર્ગત કેસ નોંધી લેવામાં આવ્યો છે. અત્યાર સુધી કોઈની ધરપકડ થઈ શકી નથી.

શિલ્પાની બહેન છે શમિતા

જણાવી દઈએ કે, શમિતા શેટ્ટી જાણીતી ફિલ્મ એક્ટ્રેસ અને યોગા એક્સપર્ટ શિલ્પા શેટ્ટીની બહેન છે. શમિતાએ ઘણી ફિલ્મોમાં કામ કર્યું છે. જોકે, તેને શિલ્પા જેવી સફળતા મળી નથી. તેમ છતા શમિતા પોતાના બોલ્ડ અંદાજને કારણે દર્શકો વચ્ચે ઘણી લોકપ્રિય છે. તે છેલ્લા ઘણા સમયથી ફિલ્મોથી દૂર છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2sSLGOO