આ છે ભારતીય જવાનોના સાહસની તસવીરો, કોણે ક્લિક કર્યા સૈન્યના આવા ફોટા

સોશિયલ મીડિયા પર વાઈરલ થયા ફોટા

એક એવો ફોટોગ્રાફર જેણે લેન્ડમાર્ક, લગ્ન, ફેશન, સેલિબ્રિટી ફંક્શન અને બીજા કેટલાક ફોટોશુટને પાછળ છોડી દીધા છે. આ છે ભારતીય સૈન્યના સાહસના ફોટા. સૈન્યના જવાનો તેમની ફરજ અદા કરે છે તેવી તસવીરો કેમેરામાં કેદ થઈ છે. આ તસવીરો સોશિયલ મીડિયા પર વાઈરલ થઈ રહી છે. જેમાં દેશના સૈનિકોનું ઝનુન જોઈ શકાય છે. આ તસવીરો જોઈને ખ્યાલ આવશે કે, દરેક મૌસમમાં સરહદ પર ખડે પગે રહેનારા સૈનિક કેટલા મજબૂત હોય છે.

અમારા ન્યૂઝ WhatsApp પર મેળવવા માટે અહીં ક્લિક કરો

કોણે ક્લિક કર્યા આ ફોટા?

અર્જુન મેનન નામના એક ફોટોગ્રાફરે આ ફોટા ક્લિક કર્યા છે. અર્જુન એક ટ્રાવેલ ફોટોગ્રાફર છે. આ રીતના ફોટા પાડીને તેણે આપણા દેશના રીયલ હીરોને સલામી આપી છે. અર્જુને આ પ્રકારના કેટલાય ફોટા ક્લિક કર્યા છે. જેમાં દેશના સૈનિકોનું સાહસ જોઈ શકાય છે.

અર્જુન મેનન વિશે

અર્જુન મેનનના પિતા ભારતીય વાયુ સેનામાં પાયલટ હતા. જ્યારે અર્જુન 16 વર્ષના હતા ત્યારે એક હેલિકોપ્ટર દુર્ઘટનમાં તેઓ મૃત્યું પામ્યા હતા. ઈન્સ્ટાગ્રામ પર ફોટા પોસ્ટ કરવામાં આવ્યા હતા. એક્સટ્રા ઓર્ડિનરીના ટેગથી ફોટા પોસ્ટ કરાયા છે. જેમાં ઈન્ડિયન આર્મીનું ડેરિંગ જોવા મળી રહ્યું છે. અર્જુને કહ્યું કે, મારા પિતા પાસેથી મને આવી પ્રેરણા મળી છે અને આ રીતના ફોટા પાડીને હું ઈન્ડિયન આર્મીને સેલ્યુટ કરું છું.

આર્મી ડેના દિવસે વાઈરલ થયા ફોટા

તા. 15 જાન્યુઆરીએ ઈન્ડિયન આર્મએ 71મો આર્મી દિવસ મનાવ્યો હતો. આ દિવસે સોશિયલ મીડિયા પર ઈન્ડિયન આર્મી જવાનોની વીરતા દર્શાવતા ફોટા વાઈરલ થયા હતા. તેમના આવા મસ્ત ફોટા પર લોકોએ અઢળક પ્રતિક્રિયાઓ આપી છે. ખાસ કરીને યુવાનો તેમની આવી ફોટોગ્રાફીને પસંદ કરી રહ્યા છે. અર્જૂન પોતે એક પ્રોફેશનલ ફોટોગ્રાફર છે. ઈન્ડિયન આર્મી દેશસેવામાં કેટલો ભોગ આપી રહી છે તે દેખાડવામાં આ ફોટા ક્લિક કર્યા છે.

મંજૂરી લેવી પડી હતી

આ પ્રકારના ફોટા ક્લિક કરવા માટે દિલ્હી સ્થિત હેડક્વાર્ટરમાંથી ખાસ પરમિશન લેવી પડી હતી. કારણ કે સુરક્ષાના કારણોસર આર્મીમાં તૈયાર થતા જવાનોની ટ્રેનિંગ ગુપ્ત રાખવામાં આવે છે. ટ્રેનિંગ દરમિયાન જ્યારે જવાનો પોતાના મિશનને અંજામ આપી રહ્યા હતા ત્યારે આ ફોટા ક્લિક કરવામાં આવ્યા છે. આ ટ્રેનિંગ જવાનો માટે ખાસ હોય છે કારણ કે, હવા, જમીન અને પાણીના સ્થાન પર અતિ વિપરિત સ્થિતિનો જવાનોને સામનો કરવાનો હોય છે. અર્જૂને આ માટે સૈનિકો સાથે કેટલાય દિવસો પસાર કર્યા છે.

સ્પેશ્યલ ઓપરેશન પર

આર્મીમાં તૈયાર થતા જવાનોને આપવામાં આવતી ટ્રેનિંગના આ ફોટા છે. ખાસ અહીં તેમને ખાસ ઓપરેશન માટે તૈયાર કરવામાં આવ્યા છે. જેમાં રેસક્યુ ઓપરેશનથી લઈને ફાયરિંગ સુધીની ટ્રેનિંગનો સમવાશે થાય છે. અર્જુનના ફોટોગ્રાફી કેરિયરની આ યાદગાર તસવીરો છે.

રેસક્યુ ઓપરેશન

જવાનને સારવાર અર્થે હેલિકોપ્ટરની મદદથી લઈ જવામાં આવી રહ્યો છે ત્યારે આ ફોટો ક્લિક કરવામાં આવ્યો હતો. જોકે, આ પણ ટ્રેનિંગનો એક ભાગ છે. જેમાં જવાનોને એકબીજાની મદદ કરવાનું અને ટીમવર્ક કરવાનું શીખવવામાં આવે છે.

ઈન્ડિયન આર્મી મિશન પર

જ્યારે ભારતીય સેના કોઈ મિશન પર હોય ત્યાર કેવું વાતાવરણ હોય તે આ ફોટા પરથી જોઈ શકાય છે. જ્યારે એ ટીમ પોતાની પોઝિશન પર હોય એ સમયે યુદ્ધ જેવી સ્થિતિ આ ફોટામાંથી અંકિત થાય છે.

from Page Array – I Am Gujarat http://bit.ly/2stQb1R