રોકાણકારોએ સ્ટોક સ્પેસિફિક અભિગમ રાખવો જોઈએ

67418394

રિતેશ આશર, CSO, KIFS ટ્રેડકેપિટલ

નિફ્ટી અને બેન્ક નિફ્ટી અંગે ટેક્‌નિકલ વ્યૂ

નિફ્ટી

નિફ્ટીના વીકલી ચાર્ટમાં ઊંચી સમયમર્યાદા પર નજર રાખીએ તો નિફ્ટી વધતી જતી ચેનલમાં વધઘટ કરી રહ્યો છે, જ્યાં 10,700નો વચગાળાનો સપોર્ટ છે અને 11,100 તરફ પ્રારંભિક સફર કરી શકે છે, જે ફિબોનાક્કી રિટ્રેસમેન્ટના 61.8 ટકાની નજીકમાં છે. ટ્રેડર્સને કોઈ એક દિશાની ચાલ પર ધ્યાન આપવાને બદલે સ્ટોક સ્પેસિફિક અભિગમ અપનાવવા સલાહ છે.

બેન્ક નિફ્ટી

ઊંચી ટાઇમ ફ્રેમ ચાર્ટમાં જોઈએ તો બેન્ક નિફટી વીકલી ચાર્ટમાં વધતી જતી ચેનલમાં વધઘટ કરી રહ્યો છે, જેમાં 27,000નો વચગાળાનો સપોર્ટ છે અને 27,500ની દિશામાં પ્રારંભિક સફર કરી શકે છે, જે ફિબોનાક્કી રિટ્રેસમેન્ટના 78.6 ટકાની નજીકમાં છે. તેજીના ખેલાડીઓ માટે ડિફેન્સ તરીકે આ મહત્ત્વની સપાટી છે.

બઝિંગ સ્ટોક

જુબિલન્ટ ફૂડ

સેમ સ્ટોર સેલ્સમાં 20.5 ટકાની વૃદ્ધિ (બીજા ક્વાર્ટરમાં 5.5 ટકા અને પ્રથમ ક્વાર્ટરમાં 26 ટકાને કારણે)ઓનલાઇન ઓર્ડરમાં મજબૂત વૃદ્ધિ અને વેલ્યૂ ઓફરિંગ તથા પ્રોડક્ટ અપગ્રેડને કારણે સેમ સ્ટોલ સેલ્સમાં વૃદ્ધિ ફ્રેન્ચાઇઝીમાં ઊંચું ઓપરેટિંગ લિવરેજ નોંધાતાં વર્ષ પ્રતિ વર્ષ EBITDA માર્જિન 268 બેસિસ પોઇન્ટ વધીને 16.7 ટકા થયું.EBITDA/APATમાં 44/75 ટકાના દરે આકર્ષક વૃદ્ધિ. કન્ઝ્યુમર બિહેવિયર વિકસાવવા માટે તાજેતરના ભૂતકાળમાં ફૂડ એગ્રીગેટર્સે પ્રમોશનલ ખર્ચ વધાર્યો છે આને કારણે ઓર્ડરની ફ્રિક્વન્સીમાં વધારો થયો છે.

જુબિલન્ટ ફૂડ લિમિટેડને હોમ ડિલિવરીમાંથી મોટો બિઝનેસ મળે છે અને આ ટ્રેન્ડમાંથી તેને લાભ થશે કંપની ડિલિવરીઝમાં સ્પર્ધાત્મક લાભ જાળવી રાખવા માટે ટેક્‌નોલોજીમાં રોકાણ કરી રહી છે કંપની 2018-’19 દરમિયાન 75 ડોમિનોઝ સ્ટોર્સ (કુલ સ્ટોર્સના સાત ટકા) ઉમેરવા માટે પ્રતિબદ્ધ છે. ડોમિનોઝની પેરન્ટ કંપની સ્ટોર્સની સંખ્યા વધારીને 1,800 સ્ટોર્સ કરવા માંગે છે, જે હાલમાં 1,167 છે. છેલ્લાં ચાર ક્વાર્ટરમાં કંપનીની આવક વૃદ્ધિમાં સેમ સ્ટોર ગ્રોથનું પ્રદાન 95 ટકા છે.

વીમા આયોજન:

વ્યક્તિ, કોર્પોરેટ કે અન્યોને થતા નુકસાન સામે આર્થિક વળતર મળે તે માટે વીમો લેવો જરૂરી છે. મુસાફરી દરમિયાન અકસ્માત, મૃત્યુ, બેરોજગારી, ચોરી, કુદરતી આપત્તિ દરમિયાન મિલકતને નુકસાન, આગ જેવા બનાવો સામે વીમો ઢાલનું કામ કરે છે.

વીમાની કામગીરી

વીમાની કામગીરીનું વર્ગીકરણ આ પ્રમાણે છે:

પ્રાથમિક કામગીરી:

વીમાનું પ્રાથમિક કામ ભાવિ જોખમ, અકસ્માત કે અનિશ્ચિતતા સામે રક્ષણ પૂરું પાડવાનું છે. વીમો એ ખરેખર તો અન્ય સાથે જોખમ વહેંચીને આર્થિક નુકસાન સામે મળતું રક્ષણ છે. વીમો એવું સાધન છે જેમાં થોડાક નુકસાનને મોટી સંખ્યા દ્વારા વહેંચવામાં આવે છે. વીમો તમને અનિશ્ચિતતા સામે સ્થિરતા અપાવવામાં મદદ કરે છે. આ રીતે વીમાધારક અનિશ્ચિત ઘટના સામે જોગવાઈ પૂરી પાડે છે.

ગૌણ કામગીરી: નુકસાન અટકવાથી વીમા કંપની દ્વારા વીમાધારકને ઓછું પેમેન્ટ આપવામાં આવે છે, જેને કારણે પ્રીમિયમના સંદર્ભમાં વધુ બચત માટે પ્રોત્સાહન મળે છે. પ્રીમિયમના ઘટાડેલા દરથી બિઝનેસમાં વધારો થાય છે અને વીમાધારકને વધુ સારું રક્ષણ મળે છે. મોટું જોખમ અને અનિશ્ચતતા સામે પ્રીમિયમ તરીકે નાની રકમ ચૂકવીને બિઝનેસમેન સલામતી માટે રોકાણમાંથી મુક્તિ મેળવી શકે છે. પોતાની કામગીરીમાં વધુ જોખમ ધરાવતા વિશાળ ઉદ્યોગોને વીમો વિકાસની તક પૂરી પાડે છે.

અન્ય કામગીરી: વીમા દ્વારા બચત અને રોકાણ એ બચતનો શિસ્તબદ્ધ માર્ગ છે અને તેનાથી વીમાધારકનો જરૂરી ખર્ચ મર્યાદિત બને છે. દેશ મરિન ઇન્શ્યોરન્સ પોલિસી જારી કરીને તથા અન્ય માર્ગો દ્વારા વિદેશી હૂંડિયામણ મેળવી શકે છે. વીમો નિકાસ વીમાને પ્રોત્સાહન આપે છે. મરિન ઇન્શ્યોરન્સ કવર હેઠળ વિવિધ પ્રકારની પોલિસીની મદદથી વિદેશ વેપાર જોખમમુક્ત બને છે.

વીમાનાં પાસાં: કોઈ વીમાધારકને થતું નુકસાન સમગ્ર ગ્રૂપ દ્વારા વહેંચાઈ જાય છે જેથી સરેરાશ નુકસાન એક વ્યક્તિના વાસ્તવિક નુકસાન કરતાં ઘણું ઓછું હોય છે. પ્યોર રિસ્ક વીમાધારકથી વીમા કંપનીમાં ટ્રાન્સફર થાય છે, જે વીમાધારક કરતાં મજબૂત નાણાકીય સ્થિતિ ધરાવતો હોય છે. વીમાધારક વીમાને કારણે તેને થતા નુકસાન પહેલાંની નાણાકીય સ્થિતિમાં આવી જાય છે.

<b>ડિસ્ક્લેમર :</b>વિવિધ બ્રોકરેજ , વિશ્લેષકો અને ફંડ મેનેજરો દ્વારા આ પાના પર દર્શાવાયેલા વિચારો તેમના પોતાના છે. વાચકોએ આ ભલામણોનો અમલ કરતાં પહેલાં વ્યાવસાયિક સલાહકારોની સલાહ જરૂરી છે. ઈટી અહીં દર્શાવેલી પસંદગી માટે જવાબદાર નથી. www.economictimes.com પર ઈટીના સિદ્ધાંતોની આચારસંહિતા ચકાસવા વિનંતી છે.

from Page Array – I Am Gujarat http://bit.ly/2CUvEda