મુંબઈ:આરબીઆઇના એક અભ્યાસ મુજબ ક્રૂડ ઓઇલના ભાવમાં અચાનક વધારો ભારતના અર્થતંત્રને જોરદાર આંચકો આપી શકે છે. કારણ કે ક્રૂડના ભાવ વધવાથી કરન્ટ એકાઉન્ટ ડેફિસિટ (CAD) ઝડપથી વધે છે. આ ઉપરાંત ફુગાવો અને રાજકોષીય ખાધ પણ વધે છે, જે આર્થિક વૃદ્ધિને અટકાવે છે.
રિપોર્ટ મુજબ દેશ ક્રૂડ ઓઇલની 80 ટકા જરૂરિયાત આયાત દ્વારા પૂરી કરી રહ્યો છે ત્યારે વૈશ્વિક ક્રૂડ ઓઇલના ભાવ આંચકો આપી શકે છે. એપ્રિલથી સપ્ટેમ્બર દરમિયાન ક્રૂડના ભાવ 12 ટકા વધી ગયા હતા.
ગયા સપ્તાહે પણ તેમાં ઝડપી સુધારો જોવા મળ્યો હતો. આરબીઆઇના ઈનહાઉસ ઇકોનોમિસ્ટ્સ દ્વારા ક્રૂડ ઓઇલની અસર અંગે તૈયાર કરાયેલા આ રિપોર્ટમાં કહેવાયું છે કે ક્રૂડ ઓઇલના ભાવ વધવાથી CADની સ્થિતિ વણસી જશે અને તે આર્થિક વૃદ્ધિનાં અન્ય પરિબળો પર નોંધપાત્ર અસર કરશે. આમ, ક્રૂડ CAD ઉપરાંત જીડીપી પર પણ અસર કરશે. તેમાં કહેવાયું
હતું કે સૌથી ખરાબ સંજોગોમાં જ્યારે ક્રૂડ ઓઇલ બેરલ દીઠ 85 ડોલર થઈ ગયું હતું ત્યારે ડેફિસિટ વધીને 106.4 અબજ ડોલર થઈ હતી, જે જીડીપીના 3.61 ટકા થઈ ગઈ હતી.
ક્રૂડમાં બેરલ દીઠ પ્રત્યેક 10 ડોલરનો વધારો CADમાં 12.5 અબજ ડોલરનો વધારો કરે છે, જે જીડીપીના 43 બેસિસ પોઇન્ટ જેવો થાય છે. આથી 10 ડોલરના વધારા સાથે જ
CAD-જીડીપી રેશિયો 43 બેસિસ પોઇન્ટ વધી જાય છે. અભ્યાસમાં કહેવાયું છે કે ક્રૂડના આંચકાથી જો અંતિમ ગ્રાહક પર ભાવવધારાનો બોજ નાખવામાં આવે તો ફુગાવો પણ
વધે છે.
from Page Array – I Am Gujarat http://bit.ly/2TvRetJ
No comments:
Post a Comment