પુત્રને ફિલ્મમાં લોન્ચ કરવા આમિરે મૂકી આકરી શરત, અગ્નિપરીક્ષા પાસ કરશે તો જ…

આમિરનો દીકરો તૈયારઃ

જ્હાન્વી કપૂર અને સારા અલી ખાન પછી એક ઓર સ્ટારકિડ બોલિવુડમાં એન્ટ્રી લેશે. આ સ્ટારકિડ બીજું કોઈ નહિં પણ મિ. પરફેક્શનિસ્ટ આમિર ખાનનો દીકરો જુનેદ ખાન છે. પુત્રને બોલિવુડમાં લોન્ચ કરવા આમિર આતુર છે પરંતુ તેણે દીકરા સામે એક આકરી શરત રાખી છે. આ વાંચીને તમે કહેશો કે આમિર ખરેખર જ પરફેક્શનિસ્ટ છે.

આમિરનું અલગ પ્લાનિંગઃ

મોટાભાગના સ્ટાર કિડને પોતાના પેરેન્ટ્સના કારણે એન્ટ્રી મળી જાય છે. તેમણે ન તો સ્ક્રીન ટેસ્ટ આપવો પડે છે ન તો જ્યા ત્યાં ફિલ્મ મેળવવા ભટકવું પડે છે. જો કે આમિરે પુત્રના ડેબ્યુ માટે અલગ જ પ્લાનિંગ કર્યું છે. તેનું ડેબ્યુ કઈ ફિલ્મથી થશે તેનો તો ખુલાસો નથી થયો પરંતુ તેની એન્ટ્રીનું પ્લાનિંગ સામે આવી ગયું છે.

મૂકી આકરી શરતઃ

એવી ચર્ચા છે કે આમિર ખાને દીકરાના બોલિવુડ ડેબ્યુ માટે એક શરત રાખી છે. આમિર ઈચ્છે છે કે જુનૈદ પોતાના દમ પર બોલિવુડમાં એન્ટ્રી કરે. આ માટે તે પહેલા સ્ક્રીન ટેસ્ટ પાસ કરે. આમિરે જણાવ્યું કે- “હું જુનૈદ માટે સારી સ્ટોરીની રાહ જોઈ રહ્યો છું. મેં એનું કામ જોયુ છે અને હું ખૂબ ખુશ છુ.”

સ્ક્રીન ટેસ્ટ આપવો પડશેઃ

આમિરે કહ્યું- “હું સ્ક્રીન ટેસ્ટમાં વિશ્વાસ કરુ છુ અને ઈચ્છુ છુ કે જુનૈદ આ ટેસ્ટ પાસ કરે. જો મારો દીકરો ટેસ્ટ પાસ ન કરી શકે તો મને નથી લાગતુ કે તે સારો એક્ટર બની શકે. જો ક્યારેય મારી બાયોપિક બને તો હું ઈચ્છીશ મારો દીકરો મારુ કેરેક્ટર પ્લે કરે. મને વિશ્વાસ છે કે જુનૈદ મારો રોલ સારી રીતે નિભાવશે.”

શું કરે છે જુનૈદ?

જુનૈદ 26 વર્ષનો છે. તે આસિસ્ટન્ટ ડાયરેક્ટર અને સોશિયલ વર્કર તરીકે પણ કામ કરી ચૂક્યો છે. તેણે LAથી માસ્ટર્સ પૂરુ કર્યું છે. તે ઘણીવાર આમિર સાથે જોવા મળે છે. જુનૈદ અને ઈરા આમિર ખાન અને પહેલી પત્ની રીના દત્તના બાળકો છે. જ્યારે આઝાદ કિરણ અને આમિરનું સંતાન છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2SdqtgQ