હાર્દિક-કિંજલના લગ્ન
અમદાવાદઃ પાટીદાર અનામત આંદોલન દ્વારા ગુજરાત સરકારના નાકમાં દમ કરી દેનાર પાટીદાર નેતા હાર્દિક પટેલ અને તેની બાળપણની મિત્ર કિંજલ પરીખ આજે પ્રભૂતામાં પગલા પાડી રહ્યા છે. સુરેન્દ્રનગર જિલ્લામાં આવેલ મૂળી તાલુકાના દિગસર ગામે વહેલી સવારથી જ હાર્દિકના લગ્નની વિધિઓ શરૂ થઈ ગઈ હતી. વર અને કન્યા પક્ષના પરિવારજનો પરોઢીયે જ દિગસર ગામ પહોંચી ગયા હતા. મહત્વપૂર્ણ છે કે હાર્દિક પટેલના લગ્ન ખૂબ જ સાદાઈથી થવા જઈ રહ્યા છે. જેમાં નજીકના પરિવારજનોને જ આમંત્રિત કરવામાં આવ્યા છે.
અમારા ન્યૂઝ Whatsapp પર મેળવવા અહીં ક્લિક કરો
સાસુએ ખેંચ્યું હાર્દિકનું નાક
મળતા અહેવાલ મુજબ હાર્દિક અને કિંજલના લગ્નીની વિધિઓ સવારે 9-12 વાગ્યા સુધી ચાલશે. લગ્ન મંડપે પહોંચેલા હાર્દિકને કિંજલ દ્વારા હાર પહેરાવાયો હતો તેમજ ગુજરાતી પરંપરા મુજબ કિંજલની માતા એટલે હાર્દિકની સાસુએ જમાઈને પોંખ્યા હતા અને નાક ખેંચવાની વિધિ પણ યોજાઈ હતી.
પરિવારના અંગત મહેમાનોની હાજરીમાં લગ્ન પ્રસંગ
ખૂબ જ સાદગીથી યોજાઈ રહેલા આ લગ્ન પ્રસંગમાં પરિવારજનો સીવાય અન્ય કોઈને આમંત્રણ આપવામાં આવ્યું નથી. સૂત્રો મુજબ પાટીદાર અનામત સમિતિના પણ કોઈ નેતા કન્વિનરોને આમંત્રણ આપવામાં આવ્યું નથી. આ રીતે પ્રસંગને રાજકરણથી દૂર રાખવાનો અને પારિવારિક પ્રસંગ બનાવવાનો ભરસક પ્રયાસ કરવામાં આવ્યો છે.
હાર્દિક જેવો જમાઈ મેળવી બધી અપેક્ષાઓ પૂરી થઈ ગઈઃ કિંજલના પિતા
લગ્ન પ્રસંગ સ્થળે ઉપસ્થિતિ મીડિયા સાથે વાત કરતા કિંજલના પિતાએ કહ્યું કે, ‘હાર્દિક કુમારની ઇચ્છા હતી કે લગ્ન ખૂબ જ સાદાઈ પૂર્વક કરવામાં આવે તે પ્રમાણે સમગ્ર આયોજન કરવામાં આવ્યું છે અને હાર્દિક જેવો જમાઈ મળે તે એક બાપ તરીકે દીકરી માટેની બધી જ અપેક્ષાઓ પૂરી થઈ ગઈ તેવું લાગી રહ્યું છે’
from Page Array – I Am Gujarat http://bit.ly/2UegRQ6
No comments:
Post a Comment