સોશિયલ મીડિયા પર બાળકોના ફોટોઝ શેર કરતા લોકો આટલુ ખાસ વાંચે

ફોટો શેર કરવાનો ક્રેઝઃ

સોશિયલ મીડિયા પર ફોટોઝ શેર કરવાનો ક્રેઝ એટલો વધી ગયો છે કે મોટાભાગના લોકો પોતાના, ફ્રેન્ડ્સના કે ફેમિલી મેમ્બર્સના ફોટોઝ તરત જ સોશિયલ મીડિયા પર પોસ્ટ કરી દે છે. તેમાં કંઈ ખોટું પણ નથી પણ જ્યારે વાત બાળકોની આવે તો આવું નથી. ઈન્ટરનેટ જેટલું મદદરૂપ છે એટલું નુકસાનકારક પણ છે. સોશિયલ મીડિયા પર બાળકના ફોટોઝ શેર કરતી વખતે તમે કદાચ વિચાર્યું પણ નહિં હોય કે તમે બાળકને કેવા પ્રકારની મુશ્કેલીમાં નાંખી રહ્યા છો. બાળકોની અમુક તસવીરો તમારે ભૂલથીય સોશિયલ મીડિયા પર શેર ન કરવી જોઈએ.

અમારા ન્યુઝ WhatsApp પર મેળવવા અહીં ક્લિક કરો

કપડા વિનાનીઃ

તમે ઘણા એવા પેરેન્ટ્સ જોયા હશે જે ખુશી-ખુશી બાળકોની નહાતી, કપડા વિનાની તસવીરો સોશિયલ મીડિયા પર પોતાના સગાસંબંધીઓ સાથે શેર કરે છે. પરંતુ આમ કરવાથી તમે ન માત્ર બાળકોની પ્રાઈવસીમાં દખલ કરો છો પણ સાથે જ સોશિયલ મીડિયા પર બદમાશોને તમારા બાળકના ફોટોઝનો ખોટી રીતે ઉપયોગ કરવાનો મોકો પણ આપો છે.

બીમાર અથવા વાગ્યું હોય તેવી તસવીરઃ

પોતાના બીમાર કે ઈજાગ્રસ્ત બાળકની તસવીર ક્યારેય સોશિયલ મીડિયા પર શેર ન કરવી જોઈએ. પેરેન્ટિંગ એક્સપર્ટ ડો. ક્રિસ્ટી ગુડવિન જણાવે છે, મોટાભાગના લોકોને પેરેન્ટિંગના કામ માટે એવોર્ડ નથી મળતો. એટલે કે તમને બીજા કામની સરખામણીએ પેરેન્ટિંગ માટે ઓછી પ્રશંસા મળે છે. બીમાર બાળકની પોસ્ટને તરત જ લાઈક્સ કે કોમેન્ટ્સ મળવા માંડે છે, લોકો પૂછવા માંડે છે કે બાળક ઠીક છે કે નહિ. પરંતુ આ એક વ્યસન બની શકે છે અને તમે આવા સંજોગોમાં બાળક કરતા વધુ સમય સોશિયલ મીડિયા પર વીતાવવા માંડશો.

બાળકોને બૉડી શેમ કરતી તસવીરઃ

યાદ રાખો કે બાળકની અંદર આત્મવિશ્વાસ, આત્મ સન્માન, સ્વાભિમાન બાળપણમાં જ વિકસે છે. તમને ભલે એવું લાગે કે તમારુ બાળક આ બધુ સમજવા માટે નાનું છે પરંતુ તમે જ્યારે બાળકને જાડિયો કે કાળિયો કહીને તેના ફોટા સોશિયલ મીડિયા પર મૂકો છો ત્યારે જીવનમાં આગળ ચાલીને બાળક પર તેની ઊંડી અસર પડે છે.

બાળકોની ડિટેલ્સ દર્શાવે તેવી તસવીરઃ

જો તમે બાળકના સ્કૂલ ફંકશનના ફોટોઝ શેર કરો અથવા તો કોઈ એવી જગ્યાના ફોટોઝ શેર કરો જ્યાં બાળક તમારી ગેરહાજરીમાં રહેતુ હોય તો આવું કરીને તમે તેની સુરક્ષા જોખમમાં મૂકો છો.

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat http://bit.ly/2LTRzE4