‘ધ એક્સિડેન્ટલ PM’ પહેલા આવ્યો લૂક
સંજય બારુના પુસ્તક પરથી બનેલી ફિલ્મ ‘ધ એક્સિડેન્ટલ પ્રાઈમ મિનિસ્ટર’ 11 જાન્યુઆરીના રોજ રીલિઝ થવા જઈ રહી છે. આ ફિલ્મ રીલિઝ થાય એ પહેલાં જ નરેન્દ્ર મોદી પર બની રહેલી બાયોપિકનો ફર્સ્ટ લૂક પણ સામે આવી ગયો છે. જેમાં વિવેક ઓબેરોય નરેન્દ્ર મોદી બનેલો જોવા મળે છે. ફિલ્મ ક્રિટિક તરણ આદર્શે ટ્વિટ કરીને ફર્સ્ટ લૂક શૅર કર્યો હતો.
ઓમંગ કુમારનું ડિરેક્શન
આ ફિલ્મ ઓમંગ કુમારના નિર્દેશન હેઠળ બની રહી છે. આ ફિલ્મમાં વિવેક ઓબેરોય વડાપ્રધાન મોદીના રોલમાં જોવા મળશે. ફિલ્મનું પ્રોડક્શન સંદિપ સિંહ કરી રહ્યાં છે. ફિલ્મના પહેલા પોસ્ટરની રાહ ફેન્સ ઉત્સુક્તા પૂર્વક જોઈ રહ્યાં હતાં.
23 ભાષામાં રીલિઝ થશે પોસ્ટર
તરણ આદર્શે ટ્વીટ કરી લખ્યું છે કે આ ફિલ્મનું પોસ્ટર 23 અલગ અલગ ભાષાઓમાં રીલિઝ કરવામાં આવશે. જેને મહારાષ્ટ્રના મુખ્યમંત્રી દેવેન્દ્ર ફડણવીસ રીલિઝ કરશે. આ ફિલ્મનું ડિરેક્શન કરી રહેલા ઓમંગ આ પહેલા ‘સરબજીત’ અને ‘મેરી કોમ’ જેવી બાયોપિક ફિલ્મ્સ બનાવી ચૂક્યાં છે. આ કારણે જ ફેન્સને આ ફિલ્મથી વધારે આશા છે.
પરેશ રાવલની હતી ચર્ચા
નોંધનીય છે કે આ પહેલા એવી ચર્ચા હતી કે નરેન્દ્ર મોદીના રોલ માટે પરેશ રાવલની પસંદગી કરવામાં આવી હતી. પરેશ રાવલે એક ઈન્ટરવ્યૂમાં એવું પણ કહ્યું હતું કે નરેન્દ્ર મોદીનો રોલ તેના કરતાં ઉત્તમ કોઈ જ કરી ન શકે. જોકે, હવે વિવેક ઓબેરોયનો લુક સામે આવી ગયો છે ત્યારે ફેન્સ મિશ્ર પ્રતિક્રિયા આપી રહ્યાં છે.
from Page Array – I Am Gujarat http://bit.ly/2CWdpUv
No comments:
Post a Comment