લગ્નની કેક કાપી તો તેમાંથી નીકળ્યું થર્મોકોલ

કેકમાંથી નીકળ્યું થર્મોકોલ!

મોટાભાગના લોકો લગ્ન જેવા ખાસ પ્રસંગોમાં કેક કાપીને સેલિબ્રેશન કરવાનું પસંદ કરતા હોય છે, પણ જો કેક કાપો અને તેમાંથી થર્મોકોલ નીકળે તો! કંઈક આવું જ થયું ફિલિપાઈન્સની દૂલ્હન સાથે, તેણે તેના લગ્ન પ્રસંગ નિમિત્તે કેક બનાવવાનો ઓર્ડર આપ્યો હતો પણ જ્યારે તેણે લગ્ન પ્રસંગમાં કેક કાપી તો તેમાંથી કેકની જગ્યાએ થર્મોકોલ નીકળ્યું. આ જોતાં જ દૂલ્હન ધ્રુસકેને ધ્રુસરે રડવા લાગી. કેક બનાવનાર વ્યક્તિની ધરપકડ કરવામાં આવી છે.

અમારા ન્યૂઝ Whatsapp પર મેળવવા અહીં ક્લિક કરો

આ જોતા જ દૂલ્હન ધ્રૂસકેને ધ્રૂસકે રડવા લાગી

ફિલિપાઈન્સના એક શહેરમાં યોજાયેલા લગ્ન પ્રસંગમાં ડેકોરેશન, કેટરિંગ અને કેક માટે યુગલે 2100 પાઉન્ડ આપ્યા હતા. પણ તેમણે જ્યારે કેક કાપીને જોયું તો તેમાં કેક ઓછી અને થર્મોકોલ વધારે હતું. જ્યારે કેક કાપવામાં આવી તો તેની અંદર થર્મોકોલ ભરેલું જોવા મળ્યું. આ જોતા જ દૂલ્હનને લાગ્યું કે જાણે તેનું અપમાન થયું છે અને તે ધ્રૂસકેને ધ્રૂસકે રડવા લાગી.

કેક બનાવનાર વ્યક્તિની ધરપકડ કરવામાં આવી

પોલીસ સ્ટેશનમાં દૂલ્હને કહ્યું કે થર્મોકોલવાળી કેક આપીને તે કેટરિંગવાળાએ મારો લગ્ન પ્રસંગ બરબાદ કરી નાખ્યો. તેણે જેટલા પાઉન્ડ માગ્યા હતા તેટલા મેં તેને આપ્યા હતા કારણકે હું મારા લગ્નની પાર્ટી વધુ સારી બનાવવા માગતી હતી. હું ઈચ્છું છું કે કેક બનાવનારને જેલની સજા થાય. ત્યારબાદ તપાસ આદરીને આ કેટરિંગવાળા વ્યક્તિની ધરપકડ કરવામાં આવી છે. આ ઘટના બાદ નવદંપતિને લગ્નનું સેલિબ્રેશન કરવા માટે પાસેની એક રેસ્ટોરાંમાં જવું પડ્યું અને પછી ત્યાં જ લગ્નનું સેલિબ્રેશન કરવું પડ્યું.

from Page Array – I Am Gujarat http://bit.ly/2Tyt81v