આટલું કરતા સેક્સની ઇચ્છા ક્યારેય ‘મંદ’ નહીં પડે

નસબંધીના ઓપરેશનથી સેક્સ લાઇફ પર અસર

શું 1-2 બાળક થયા બાદ મહિલા નસબંધી કરાવે તો તેની સેક્સ કરવાની ઇચ્છા પર આ ઓપરેશનથી કંઈ પ્રભાવ પડે કે નહીં? અને પડે તો કેવો પ્રભાવ પડે? આ અંગે જાણીતા સેક્સોલોજિસ્ટ પ્રકાશ કોઠારી જણાવી રહ્યા છે.

સવાલઃ હું 40 વર્ષની છું, 6 મહિના પહેલા ટ્યૂબેક્ટમી(મહિલા નસબંધી)નું ઓપરેશન કર્યુ હતું. હવે મને એવું અનુભવાઈ રહ્યું છે કે આ ઓપરેશન પછી મારી સેક્સ માણવાની ઇચ્છા ઓછી થઈ રહી છે. શું આ ફક્ત મારો ભ્રમ છે કે પછી મારે કોઈ ટ્રીટમેન્ટ લેવાની જરુર છે.

ઘણી મહિલાઓમાં આ ગેરમાન્યતા હોય છે

જવાબઃ અંડાશય(ઓવરી)ના બે કામ હોય છે 1) એગ બનાવવા અને 2) હોર્મોન પેદા કરવા. ઓવરીમાં એગ પેદા થયા બાદ ફલોપિયન ટ્યૂબમાં પહોંચે છે. જો ત્યાં સ્પર્મ હાજર હોય તો બંને મળે છે અને ફલિત થઈ મહિલા ગર્ભધારણ કરે છે. જો ફલોપિયન ટ્યુબ કાપવામાં આવે અથવા બાંધી દેવામાં આવે તો એગ અને સ્પર્મ વચ્ચે સંપર્ક અશક્ય છે. તો બીજી તરફ હોર્મોન સીધા જ લોહીમાં ભળે છે. આ જ હોર્મોન સ્ત્રીમાં કામેઈચ્છા જાગૃત કરવા માટે જવાબદાર છે.

આ રીતે થાય છે કામેચ્છા ઓછી

જેથી ફલોપિયન ટ્યૂબ બંધ થઈ જવાથી કે ઓપરેશન કરી દેવાથી મહિલામાં રહેલી કામેચ્છા પર કોઈ અસર પડતી નથી. કામેચ્છા ઓછી થવાના બીજા પણ કારણો જવાબદાર હોઈ શકે છે. ડિપ્રેશન, તણાવ, પરસ્પરના સંબંધોમાં ખટાશ વગેરે. આ ઉપરાંત સહવાસ દરમિયાન તમારા પાર્ટનરની કેટલીક એવી હરકતો જે તમને પસંદ ના હોય તેનાથી પણ કામેચ્છા ઓછી થઈ શકે છે.

ફરી મેળવવા આટલું કરો

જો આમાંથી કોઈ કારણે કામેચ્છા ઓછી થઈ હોય તો તમે કેટલાક ઉપાય કરી શકો છો. આ માટે પહેલા તો તમારા બિઝી શેડ્યુલમાં 2-3 દિવસ કાઢી લો અને પોતાના પાર્ટનર સાથે ક્યાંક ફરવા જાવ. સાથે એ પણ નક્કી કરી લો કે એકબીજામાં ખાવાતા સમયે ફક્ત ફોરપ્લે કરવું છે ઇન્ટરકોર્સથી દૂર રહો. આ દરમિયાન એકબીજા સાથેના સ્પર્શ અંગે જ વધુ ધ્યાન આપો. તમે પાર્ટનરને ખુલીને જણાવો કે કઈ જગ્યાએ અને કઈ રીતે સ્પર્શ કરવાથી તમને વધુ પસંદ પડે છે. હકીકત તો એવી છે કે કોઈ સેક્સ ટોનિક લેશો તેના કરતા પણ વધારે આ પ્રયોગ સારુ ફળ આપશે.

નોંધઃ જો આ પ્રયાસો પછી પણ તમારી કામેચ્છામાં કોઈ સુધાર જોવા ન મળે તો તમારે કોઈ સાઇકિયાટ્રિસ્ટની મુલાકાત લેવી અને તેમની સાથે ચર્ચાસત્ર બાદ તમીર મુશ્કેલી સમજાશે અને તેને તમે દૂર કરી શકશો.

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat http://bit.ly/2REUwgQ