ભારતનો સૌથી જૂનો પેન્ડીંગ કેસ, દેશમાં કોર્ટ બન્યા પહેલાથી દાખલ થયો હતો

દેશનો સૌથી જૂનો પેન્ડીંગ કેસ

નવી દિલ્હીઃ આ જાણીને તમને હેરાની થશે કે દેશનૌ સૌથી જૂનો પેન્ડીંગ કેસ હકીકતમાં કોર્ટ બની તેના કરતા પણ જૂનો છે. નેશનલ જ્યૂડિશલ ડેટા ગ્રિડ મુજબ કલકત્તા હાઈકોર્ટનો કેસ નંબર AST/1/1800 સંભવતઃ દેશનૌ સાથી જૂનો પેન્ડીગ કેસ છે, જે વર્ષ 1800માં રજિસ્ટર કરવામાં આવ્યો હતો. આ કેસની છેલ્લી સુનાવણી 20 નવેમ્બર 2018ની તારીખે થઈ હતી.

હાઈકોર્ટ બની તે પહેલાથી દાખલ થયો

કોલકાતા હાઈકોર્ટ દેશમાં બનાવેલી પહેલી હાઈકોર્ટ હતી, જેની સ્થાપના 1862માં થઈ હતી. આ દરમિયાન તેને ફોર્ટ વિલિયમ સ્થિત ન્યાયપાલિકાની હાઈકોર્ટના નામેથી ઓળખાતી હતી. સર બેરન્સ પિકોક તેના પહેલા ચીફ જસ્ટિસ હતા. હાલના સમયમાં કોલકાતા હાઈકોર્ટમાં સૌથી વધારે પેન્ડીંગ કેસો છે. હાલમાં તેમાં 2.44 લાખ કેસો પેન્ડીંગ પડ્યા છે. તેમાંથી 9979 કેસો એવા છે જે 30 વર્ષથી વધારે સમયગાળાથી પેન્ડીંગ છે.

બધી હાઈકોર્ટનો લગભગ આવો જ હાલ છે

દેશની 24 હાઈકોર્ટમાં લગભગ 49 લાખ કેસ પેન્ડીંગ છે. આ કેસોમાંથી લગભગ 10 લાખ કેસો એવા છે જે 10-30 વર્ષથી પેન્ડીંગ છે. દેશની સૌથી મોટી હાઈકોર્ટ અલાહાબાદ હાઈકોર્ટમાં 38 હજાર કેસો 30થી વધારે વર્ષ જૂના છે.

દેશની અન્ય કોર્ટ પર નજર

એનજેડીજીના આંકડા મુજબ, દેશભરમાં લગભગ 17000 જિલ્લા અને સેશન કોર્ટમાં 78,727 કેસ પેન્ડીંગ છે, જે 30 વર્ષથી વધારે જૂના છે. જ્યારે કુલ પેન્ડીંગ કેસોની સંખ્યા 2.94 કરોડ છે. સરકાર તરફથી કરાયેલા સર્વે મુજબ જો આ ગતિથી કેસોનો ચૂકાદો આવશે તો બધા કેસોને ખતમ થવામાં 324 વર્ષ લાગી શકે છે. નીચલી કોર્ટમાં 140 કેસો એવા છે જે 60 વર્ષથી વધારે જૂના છે.

from Page Array – I Am Gujarat http://bit.ly/2Qru6uz