હવે કિંજલને કોન્સર્ટમાં ‘ચાર ચાર બંગડીવાળી ગાડી’ ગીત ગાતા કોઈ રોકી નહિ શકે

કિંજલને રાહતઃ

કિંજલ દવેનું સુપરહિટ ગીત ચાર ચાર બંગડીવાળી ગાડી કૉપી રાઈટના વિવાદને કારણે કાયદાકીય ગૂંચમાં ફસાયુ હતું. કોમર્શિયલ કોર્ટે કિંજલને આ ગીત ગાવા પર પ્રતિબંધ ફરમાવતા કિંજલ કોન્સર્ટમાં આ ગીત ગાઈ નહતી શકતી. પરંતુ હવે કિંજલ અને તેના ચાહકો માટે સારા સમાચાર એ આવ્યા છે કે ગુજરાત હાઈકોર્ટે કોમર્શિયલ કોર્ટનો ચુકાદો રદ કરી કિંજલની તરફેણમાં ચુકાદો આપ્યો છે. અર્થાત્ હવે કિંજલને આ ગીત ગાતા કોઈ રોકી શકશે નહિં. આ સાથે જ ચાર ચાર બંગડીવાળી ગાડી ગીતના કોપીરાઈટને લઈને જે વિવાદ ચાલતા વિવાદ પર પૂર્ણવિરામ મૂકાઈ ગયું છે.

અમારા ન્યુઝ WhatsApp પર મેળવવા અહીં ક્લિક કરો

કોમર્શિયલ કોર્ટે રોક લગાવી હતી

1 જાન્યુઆરીએ કોમર્શિયલ કોર્ટે દવે અને અન્ય લોકોને આ ગીતની કેસેટ, સીડી વેચવાના, ઓનલાઈન ડાઉનલોડ કરવાના ફોરમ પર પ્રતિબંધ લાદી દીધો હતો. આ સાથે લાઈવ સ્ટેજ કોન્સર્ટમાં પણ કિંજલને આ ગીત ગાવા પર રોક લગાવી દેવાઈ હતી. કોર્ટના મુજબ આ કોપીરાઈટ કરેલા ગીતની નકલ હોવાથી ગેરકાયદેસર છે. દવેના વકીલ જે.વી વાઘેલાએ કોમર્શિયલ કોર્ટના ઓર્ડરને હાઈકોર્ટમાં પડકાર્યો હતો. તેમણે વધુમાં જણાવ્યું કે કોમર્શિયલ કોર્ટે તેમનો પક્ષ સાંભળ્યા વિના જ ઓર્ડર આપી દીધો હતો આથી તે હાઈકોર્ટમાં લડત આપવા માંગે છે.

કોણે કર્યો હતો કોપીરાઈટનો દાવો?

અત્યારે ઓસ્ટ્રેલિયામાં રહેતા અને પોતાની જાતને કાઠિયાવાડી કિંગ ગણાવતા કાર્તિક પટેલે કોર્ટમાં કેસ દાખલ કર્યો કે તેણે ચાર બંગડી વાળી ગાડી શબ્દોવાળુ ગીત ગાયુ હતુ અને કિંજલનું લોકપ્રિય ગીત પણ આ જ શબ્દોવાળુ છે. તેણે વધુમાં જણાવ્યું કે તેણે આ ગીત યુટ્યુબ પર 28-29 સપ્ટેમ્બર 2016ના આ ગીત પોસ્ટ કર્યું હતું અને આથી ગીત પર તેનો અધિકાર છે. પટેલનો દાવો ખારીજ કરતા કિંજલ દવેના વકીલે જણાવ્યું કે “કિંજલ 20 વર્ષની યુવતી છે અને પટેલે આ ગીત બનાવ્યું હોવાનો દાવો કર્યો તેના પહેલાથી તે આ ગીત પર પરફોર્મ કરતી આવી છે. પટેલે આ ગીત પર ખોટો દાવો માંડ્યો છે, તેનો ગીત પર કોઈ અધિકાર નથી.”

કોન્સર્ટ માટે સૌથી પોપ્યુલર ગીતઃ

કિંજલ દવે અત્યાર સુધી કોન્સર્ટમાં 200થી વધુ વખત આ ગીત ગાઈ ચૂકી છે. તેના વકીલના જણાવ્યા મુજબ તેણે કોપીરાઈટ એક્ટ 1957 અંતર્ગત પરફોર્મર્સના અધિકાર પણ મેળવ્યા હતા. હવે હાઈકોર્ટમાં કિંજલની તરફેણમાં ચુકાદો આવતા તેને આ ગીત ગાતા કોઈ રોકી નહિ શકે.

from Dhollywood News in Gujarati: Latest Dhollywood News, Read Breaking Dhollywood News – Page Array – I Am Gujarat http://bit.ly/2RHHIXY
via IFTTT