હવે થાઈલેન્ડ ફરવા જાવ તો આ જગ્યાએ જવાનું ચૂકતા નહીં, દિલ ખુશ થઈ જશે

ફરવા જેવું છે આ સિટી

જ્યારે પણ વિદેશ પ્રવાસની વાત આવે ત્યારે દુબઈ અને થાઈલેન્ડને પ્રથમ પસંદગી આપવામાં આવે છે. જોકે, નોંધવા જેવી વાત એ છે કે, આ બંને દેશ વિઝા ફ્રી છે. એટલે કે ત્યાં જવા માટે કોઈ વિઝા લેવા પડતા નથી. પરંતુ, થાઈલેન્ડ અને મલેશિયાની આસપાસ પણ ઘણા એવા દેશ છે જેના નાના સિટીમાં ફરવાનો આનંદ પણ મન પ્રફુલ્લિત કરી દે છે. થાઈલેન્ડથી નજીકમાં જ લાઓસ આવેલું છે. જેનું પાટનગર વિયેટિએન ફરવા જેવું છે. અહીં પહોંચવા માટે સરળતાથી વિઝા ઓન અરાઈવલ મળી રહે છે.

અમારા ન્યૂઝ WhatsApp પર મેળવવા માટે અહીં ક્લિક કરો

અહીં ખાસ મુલાકાત લેવા જેવી

વિયેટિએન સિટીમાં ફરવા જેવા સ્થળમાં સૌ પ્રથમ બુદ્ધા પાર્કનું નામ આવે છે. બુદ્ધા પાર્કમાં ભગવાન બુદ્ધની અવનવી પ્રતિમાના દર્શન થશે. આ સમગ્રમાં બુદ્ધા અવનવી મુદ્રામાં પણ જોવા મળશે. આ સ્થળ વિયેટિએન સિટીથી 25 કિમી દૂર આવેલું છે. અહીં વિશાળ મૂર્તિઓ છે પણ ક્યાંય બુદ્ધનું કોઈ મંદિર નથી. આ સિવાય બૌદ્ધ ધર્મની અનેક નિશાનીઓ પણ અહીં જોવા મળશે. આ સિવાય દુનિયાભરના 200થી વધુ સંપ્રદાયના સુવાક્યો વાંચવા મળશે. આ સાઈટ વર્ષ 1958માં બનાવવામાં આવી હતી. સવારે 8 વાગ્યે આ પાર્ક ખૂલે છે અને સાંજે 8 વાગ્યે બંધ થાય છે.

બન નમ ફોરેસ્ટ

જે રીતે આપણે ત્યાં મનાલીના કુદરતી દ્રશ્યો જાણીતા છે એમ વિયટિએનથી થોડે દૂર બન નમ ફોરેસ્ટમાં રખડવા જેવું છે. જોકે, અહીં ગાઈડ સાથે હોય અહીંથી અનેક નાના-મોટા ગ્રામ્ય વિસ્તારમાં જઈ શકાય છે. અહીં સુધીના રસ્તામાં અનેક પહાડ અને લીલાછમ જંગલો જોવા લાયક છે. ફોટોગ્રાફ પડાવવા માટે આ વિયેટિએનનું બેસ્ટ લોકેશન છે. નજીકમાં આ જ નામથી એક રિસોર્ટ છે જ્યાં અનેક એક્ટિવિટી કરી શકાય છે.

લુઆ પ્રબંગ

લુઆ પ્રબંગને લાઓસની જૂની રાજધાની માનવામાં આવે છે. આ પ્રાંત ઉત્તર લાસમાં આવે છે. આ સમગ્ર વિસ્તાર લીલાછમ જંગલથી ઘેરાયેલો છે. આ વિસ્તારને યુનેસ્કોએ વર્લ્ડ હેરિટેજ સાઈટ તરીકે જાહેર કર્યો છે. જે સમુદ્ર સપાટીથી 700મી. ઉપર આવેલું છે. નમ અને મિકોંગ નામની બે નદી શહેરની વચ્ચેથી વહે છે. નજીકમાં વહેતો અદ્ભૂત વોટરફોલ, વિશાળ પહાડ વચ્ચે આવેલું સિટી, ક્રાફ્ટ, આર્ટ, કલરફૂલ કાર્પેટ અને લાકડાની વસ્તુઓની બજાર ખરેખમ મન મોહી લેશે.

નાઈટલાઈફ

લુઆ પ્રંબગની નાઈટ લાઈફ એક વખત માણવા જેવી છે. જેને બોલિંગ રમવાનો શોખ છે તેઓ માટે અહીં એક સરસ ક્લબ છે. જે પ્રવાસીઓ માટે નાની મોટી ઈવેન્ટનું આયોજન કરે છે. રાત્રે અહીંનું સ્થાનિક માર્કેટ રંગબેરંગી લાઈટ્સથી દીપી ઊઠે છે. અહીં નજીકમાં આવેલા જ્વેલરી માર્કેટમાં આંટો મારવા જેવો છે જે સિસાવાંગો રોડ પર આવેલું છે. અહીં બુદ્ધા અને ફેંગશુઈની જેટલી વેરાઈટી અહીં મળશે એવી બીજે ક્યાંય દુનિયામાં નહીં મળે. ખાસ કરીને કાર્પેટનું અને અવનવા આસનનું અહીં અનોખુ માર્કેટ છે.

33 જેટલા નાના-મોટા મંદિર

આ સિટીમાં મોટા ભાગની વસ્તી બૌદ્ધ ધર્મ પાડે છે. પ્રબંગ સિટીમાં કુલ 33 જેટલા મંદિરો આવેલા છે. ખાસ વાત એ છે કે, આ મંદિરની રચના એકબીજા મંદિરથી મોટાભાગે મળતી આવે છે. આ સિવાય માઉન્ટ ફોસી સાઈટ જોવા જેવી છે, જ્યાં ગોલ્ડન રંગમાં દિવાલ અને વચ્ચે બુદ્ધાની અનેક મુદ્રાઓ જોવા મળશે. અહીંથી સૂર્યોદય જોવાનો એક લ્હાવો છે. આ પછી ગુફાનો આનંદ લેવો હોય તો પહોંચી જાવ પાક ઉ કેવ. જ્યાં અનેક પ્રકારના સ્કલ્પચર જોવા મળશે. અહીં પણ બુદ્ધાની અનેક મુદ્રાના દર્શન થશે.

ટેગ સી વોટર ફોલ

સિનેમા સ્ક્રિનની જેમ વોટરફોનને નજીકથી જોવાનો આનંદ માણવો હોય તો ટેગ સી વોટરફોલ બેસ્ટ પ્લેસ છે. જ્યાં બેન્ચ પર બેસીને સામેથી આવતા ઝરણાના ટીપાંથી ભીના થવાનો આનંદ માણી શકાય છે. ફોટા પડાવવા માટેની આ બેસ્ટ જગ્યા છે. જે કાયમ માટે યાદગાર બની જશે. આ જગ્યા પ્રબંગથી 20 કિમી દૂર છે અને સવારથી પિકનિકનું પણ આયોજન અહીં કરી શકાય છે. બેન અમેન નામના ગ્રામ્ય વિસ્તારમાં આ વોટરફોલ આવેલો છે. જેમાં નમખન નદીનું પાણી વહે છે.

 

 

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat http://bit.ly/2LQtIFb